НИГОРАҲОИ БЕНАЗИРИ ТОҶИКИСТОН. Вазири фарҳанг Шамсиддин Орубекзода бо намояндагони Осорхонаи Гиме мулоқот намуд
ДУШАНБЕ, 19.09.2018. /АМИТ «Ховар»/. Вазири фарҳанги Ҷумҳурии Тоҷикистон Шамсиддин Орумбекзода бо Сафири Франсия дар Тоҷикистон хонум Ясмин Гуедар, муҳофизи фонди осорхонавии Осорхонаи «Гиме»-и шаҳри Париж хонум Валери Залески ва сардори шуъбаи намоишгоҳҳои осорхонаи мазкур хонум Кати Молле дирӯз мулоқот намуд.
Тавре аз маркази матбуоти Вазорати фарҳанги Ҷумҳурии Тоҷикистон ба мухбири АМИТ «Ховар» хабар доданд, дар мулоқот ҷонибҳо оид ба баргузории намоиши ёдгориҳои таърихиву фарҳангии Тоҷикистон дар Осорхонаи миллии санъати шарқ-Гимеи шаҳри Париж, ки аз моҳи ноябри соли 2019 то моҳи феврали соли 2020 дар назар дошта шудааст, суҳбат намуданд.
Хонум Ясмин Гуедар иброз дошт, ки барои онҳо намоиш додани нигораҳои таърихии беназири Тоҷикистон мояи ифтихор хоҳад буд.
Дар вохӯрӣ инчунин директори Осорхонаи бостоншиносии Тоҷикистон Саидмурод Бобомуллоев, муовини директори Институти таърих, бостоншиносӣ ва мардумшиносии ба номи Аҳмади Дониши Академияи илмҳои Ҷумҳурии Тоҷикистон Абдулло Ғафуров ва корманди шуъбаи Комиссияи миллии Тоҷикистон оид ба корҳои ЮНЕСКО-и Вазорати корҳои хориҷиии Ҷумҳурии Тоҷикистон Ифтихор Назаров иштирок намуданд.
Дар ҷараёни вохӯрӣ Валери Залески зикр кард, ки мақсади сафари ӯ ба Ҷумҳурии Тоҷикистон оғози марҳилаи амалии омодагӣ ба намоишгоҳ, аз ҷумла, санҷидани вазъи нигораҳо барои интиқоли онҳо ба Франсия мебошад.
Зимни мулоқот ҳамчунин масъалаҳои интихоби ширкати ҳавопайпоӣ барои интиқоли нигораҳо ва муҳлати баргузории он мавриди баррасӣ қарор гирифт.
Иштирокчиёни Форуми XI байналмилалии «Кӯдакони Иттиҳод» Қалъаи бостонии Ҳисорро тамошо намуданд
ШОМИ ВАҲДАТУ ҲАМДИЛӢ. Дар Осорхона-мамнуъгоҳи ҷумҳуриявии Данғара ҳамоиши сиёсӣ-фарҳангӣ баргузор шуд
СУЛҲИ БУНЁДКОРИ МО ОМАД! Дар нахустин гомҳои адабиёти тоҷикӣ шиори он ситоиши сулҳу оштӣ ва ҳамбастагии халқҳо буд
«САДОИ ВАҲДАТ». Дар Душанбе бахшида ба Рӯзи Ваҳдати миллӣ консерти байналмилалӣ баргузор мешавад
Муовини Сарвазири Бошқирдистон дар Осорхонаи миллӣ бо марҳилаҳои рушди давлатдории тоҷикон шинос гардид
Доир ба татбиқи ҳадафи чоруми стратегии Ҳукумати Тоҷикистон конференсияи ҷумҳуриявӣ баргузор шуд
Дар Душанбе таҳти унвони «Забон — рукни муҳими Ваҳдати миллӣ» конфронси ҷумҳуриявӣ доир гардид
Дар Тоҷикистон сеюмин Синамоҷашнвораи миллии «Тоҷи Сомон» доир мешавад
Имрӯз даври дуюми Озмуни ҷумҳуриявии «Тоҷикистон-Ватани азизи ман» оғоз шуд
Дар Тоҷикистон Фестивали якуми байналмилалии санъати сирк доир мегардад
«ЭМОМАЛӢ РАҲМОН – БУНЁДГУЗОРИ ВАҲДАТИ МИЛЛӢ». Дар Душанбе конфренсияи илмӣ-амалӣ доир шуд
Дар Душанбе Рӯзи фарҳанги ноҳияи Ҷалолиддини Балхӣ доир шуд
