ОФАРИН! Дастаи мунтахаби Душанбе дар Олимпиадаи мегаполисҳо аз 18 шаҳру пойтахти бузурги ҷаҳон пеш гузашта, сазовори Ҷом гардид
ДУШАНБЕ, 12.09.2018. /АМИТ «Ховар»/. Аз 2 то 9 сентябри соли равон дар шаҳри Москва миёни шаҳрҳои бузург ва пойтахтҳо аз фанҳои математика, физика, химия ва информатика бори сеюм Олимпиадаи мегаполисҳо доир гардид, ки дар он дастаи мунтахаби пойтахти Тоҷикистон шаҳри Душанбе иштирок намуд. Дар ин бора ба мухбири АМИТ «Ховар» аз Литсей-интернати тоҷикӣ-русии «Ҳотам ва ПВ» иттилоъ доданд.
Олимпиадаи мазкур бо ташаббуси мири шаҳри Москва Сергей Собянин баргузор гардида, дар он аз ҳар як шаҳр 8 шогирд ва се устод иштирок намуд.
Ба дастаи мунтахаби шаҳри Душанбе ин дафъа шогирдону устодони Литсей-интернати тоҷикӣ-русӣ «Ҳотам ва ПВ», ки аксарият дорандагони стипендияи Раиси шаҳри Душанбе мебошанд ва борҳо дар олимпиадаҳои бонуфузи байналмилалӣ ғолиб омадаанд, шомил буданд.
Хурсандиовар аст, ки дастаи мунтахаби шаҳри Душанбе дар ҳарду қисми олимпиада аз 18 шаҳру пойтахтҳои бузург, аз қабили Милан, Берлин, Мадрид, Франкфурт, Хелсинки, Байтулмуқаддас, Тел-Авив, Дюселдорф ва шаҳрҳои кишварҳои ҳамсоя пеш гузашта, сазовори Ҷоми дараҷаи сеюм ва таърифу таҳнияти зиёд гардид.
Тавре аз Литсей-интернати тоҷикӣ-русӣ «Ҳотам ва ПВ» иттилоъ доданд, дар ин комёбии даста саҳми шогирдон Наимҷон Хонҷонов ва Шоҳрухи Муҳаммадҷон аз математика, Далер Пиров ва Фараҳманд Ҳасанов аз физика, Акмал Исматуллоев ва Нодир Аминзода аз химия, Рахшон Амонов ва Анушервон Бозоров аз информатика назаррас аст.
Дар олимпиада Наимҷон Хонҷонов ва Далер Пиров сазовори медали нуқра шуда, Шоҳрухи Муҳаммадҷон, Фараҳманд Ҳасанов, Рахшон Амонов ва Анушервон Бозоров сазовори медалҳои биринҷӣ гардиданд.
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
Бо қарори Раиси шаҳри Душанбе Рӯзи Президент дар пойтахт дар сатҳи баланди ташкилӣ таҷлил мешавад
Бо мақсади тақвияти ҳамкорӣ дар соҳаи сайёҳӣ ҳайати шаҳри Душанбе ба Чин сафар намуд
Қарори Раиси шаҳри Душанбе оид ба омодагӣ ва таҷлили Рӯзи Конститутсияи Ҷумҳурии Тоҷикистон ба тасвиб расид
АЗ ВОДИИ РАШТ ТО ИСКАНДАРКӮЛ. Хатсайрҳои сайёҳии дохилӣ ба минтақаҳои сайёҳии Тоҷикистон анҷом ёфтанд
Марказҳои барқу гармидиҳии шаҳри Душанбе ба кор оғоз намуданд
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
