«ШОМИ ДӮСТӢ» ДАР ХУҶАНД. Бо иштироки ҳунармандони вилоятҳои Суғду Самарқанд консерти муштарак баргузор мегардад
ДУШАНБЕ, 06.09.2018. /АМИТ «Ховар»/. Пагоҳ, 7 сентябр гурӯҳи калони намояндагони вилояти Самарқанд ба вилояти Суғд ташриф меорад. Дар доираи сафари намояндагони вилояти Самарқанд дар шаҳри Хуҷанд консерти муштараки ҳунармандони вилоятҳо таҳти унвони «Шоми дӯстӣ» баргузор мегардад. Ҳамчунин бо ширкати доираҳои тиҷоратии вилоятҳо Форуми соҳибкорон доир хоҳад шуд. Дар ин бора аз хадамоти матбуоти раиси вилояти Суғд ба АМИТ «Ховар» хабар доданд.
Мавриди зикр аст, ки мулоқоту музокироти сатҳи олии миёни Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев, ки моҳи март дар шаҳри Душанбе ва моҳи августи соли равон дар шаҳри Тошканд баргузор шуданд, дар таърихи муносибатҳои мардумони тоҷику ӯзбек саҳифаи нав боз намуд.
Аз ҷумла, зимни сафари кории Сарвари давлат ба Ҷумҳурии Ӯзбекистон дар қатори дигар санадҳои нави ҳамкорӣ Созишнома байни Мақомоти иҷроияи ҳокимияти давлатии вилояти Суғди Ҷумҳурии Тоҷикистон ва Ҳукумати вилояти Самарқанди Ҷумҳурии Ӯзбекистон оид ба ҳамкории тиҷоративу иқтисодӣ, илмиву техникӣ ва гуманитарию фарҳангӣ ба имзо расид. Бо таҳкими муносибатҳои дӯстона ҳамкорӣ миёни вилоятҳои Суғду Самарқанд густариш ёфта, рафту омад ва мубодилаи молу маҳсулот дар ҳоли афзоиш қарор дорад.
Моҳи апрели соли равон гурӯҳи калони фарҳангиён ва соҳибкорони вилояти Суғд ба вилояти Самарқанд сафар намуда, дар Рӯзҳои фарҳанги вилояти Суғд дар вилояти Самарқанд ва Бизнес – форуми «Рушди ҳамкории манфиатбахш байни соҳибкорони Тоҷикистон ва Ӯзбекистон» иштирок намуданд.
Сафари навбатии намояндагони вилояти Самарқанд низ идомаи тадбирҳои ҳадафманд буда, бо мақсади тақвияти ҳамкории тиҷоративу иқтисодӣ ва таҳким бахшидани муносибатҳои фарҳангӣ амалӣ мегардад.
«КИТОБИ ДУШАНБЕ». Дар пойтахти Тоҷикистон намоишгоҳи чордаҳуми байналмилалӣ баргузор мегардад
Дар Душанбе рӯзҳои фарҳанги шаҳри Бохтар, ноҳияҳои Ховалинг, Лахш, Сангвор, Рашт, Балҷувон ва Дарвоз баргузор мегарданд
Китоби «Аз забони ориёӣ то забони тоҷикӣ» ба нашр расид
Сахидод Раҳматуллозода: «Ба фарзандонатон номҳое гузоред, ки дар оянда аз он ифтихор намоянд»
Филми ҳунарии «Моҳӣ дар шаст» дар Кинофестивали VII байналмилалии «Дарвозаҳои ғарб» соҳиби Шоҳҷоиза шуд
Директори АМИТ «Ховар» дар Форуми воситаҳои ахбори омма ва марказҳои таҳлилии СҲШ дар Бишкек иштирок намуд
Имрӯз дар Бишкек Форуми воситаҳои ахбори омма ва марказҳои таҳлилии Созмони ҳамкории Шанхай баргузор мегардад
Рӯзи фарҳанги ноҳияи Данғара бо шукуҳу шаҳомати хосса баргузор гардид
Имрӯз дар Душанбе рӯзҳои фарҳанги ноҳияҳои Шаҳристон ва Кӯҳистони Мастчоҳ доир шуд
Имрӯз дар боғҳои шаҳри Душанбе рӯзҳои фарҳанги ноҳияҳои Данғара, Шаҳристон ва Кӯҳистони Мастчоҳ баргузор мегарданд
Рӯзи фарҳанги ноҳияи Деваштич дар Душанбе баргузор гардид
Дар Душанбе Рӯзи фарҳанги ноҳияи Хуросон доир шуд
