«Зебо»-и синамои тоҷик аз олам даргузашт
ДУШАНБЕ, 20.09.2018. /АМИТ «Ховар»/. Ҳунарманди синамои тоҷик Саодат Ҷӯраева имрӯз, 20 сентябр дар синни 85 бар асари беморӣ аз олам даргузашт. Дар ин бора наздикони ӯ ба АМИТ «Ховар» хабар доданд.
Ба иттилои манбаъ, маросими ҷанозаи ӯ имрӯз, соати 16:00 дар манзилаш дар шаҳри Душанбе баргузор мегардад.
Ба иттилои раиси Иттифоқи синамогарони Тоҷикистон Сафар Ҳақдод, ин ҳунарманди синамо дар ду даҳсолаи охир дар ягон филм нақш иҷро накардааст. Вале ҳунармандоне ҳастанд, ки бо иҷрои як нақш маъруф гардида, дар зеҳни тамошобин то дер гоҳ боқӣ мемонанд.
«Саодат Ҷӯраева аз зумраи он ҳунармандонест, ки бо иҷрои нақши Зебо дар филми машҳури «Ман бо духтаре вохӯрдам» то имрӯз дар хотири тамошобинон мондааст. Ҳарчанд ин филм соли 1957 ба навор гирифта шудааст, вале то ҳол тамошобинон онро бо шавқ тамошо карда, аз қаҳрамонҳои ин филм ёдоварӣ мекунанд.
Сурудҳои ин филмро бисёриҳо дар Тоҷикистону берун аз он ба тоҷикиву русӣ аз ёд медонанд ва замзама мекунанд»,-гуфт Сафар Ҳақдод.
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
Тоҷикистон ва Британияи Кабир ҳамкориро дар самти омӯзиши забони англисӣ густариш медиҳанд
Тоҷикистон ва Британияи Кабир ҳамкориро дар самти омӯзиш ва ҳифзи ёдгориҳои таърихию фарҳангӣ тақвият медиҳанд
Даври ҷамъбастии Озмуни ҷумҳуриявии «Тоҷикистон—Ватани азизи ман» доир мегардад
Таҳкими ҳамкорӣ байни Осорхонаи миллии Тоҷикистон бо Шурои Британия дар Душанбе баррасӣ гардид
