Ҳайати бонуфузи Санкт-Петербург дар пояи Муҷассамаи Исмоили Сомонӣ гулчанбар гузошт
ДУШАНБЕ, 18.10.2018 /АМИТ «Ховар»/. Тавре қаблан иттилоъ додем, имрӯз, 18 октябр дар шаҳри Душанбе Рӯзҳои шаҳри Санкт-Петербург оғоз гардиданд.
Бо ин мақсад дирӯз ҳайати бонуфузи ин шаҳр таҳти роҳбарии раиси Кумитаи меҳнат ва шуғли аҳолии Санкт-Петербург Дмитрий Семёнович Чернейко ба Душанбе ташриф овард. Ҳайти мазкур субҳи имрӯз дар пояи Муҷассамаи Исмоили Сомонӣ гулчанбар гузошт.
Дар ин маросим ҳайати Санкт-Петербургро муовини Раиси шаҳри Душанбе Толиб Раҳимзода ва намояндагони мақомоти иҷроияи ҳокимияти давлатии шаҳри Душанбе ҳамроҳӣ намуданд.
Тавре хабарнигори АМИТ «Ховар» иттилоъ медиҳад, ҳайати мазкур ҳамчунин дар Муассисаи давлатии «Боғи Ғалаба», дар назди Маҷмааи ёдгории
«Гулхани абадӣ» гулчанбар гузошта, бо дақиқаи хомӯшӣ хотираи қурбониёни Ҷанги дуюми ҷаҳонро пос доштанд.
Ташрифи ҳайати мазкур дар шаҳри Душанбе дар Муассисаи давлатии «Душанбе –Плаза» бо мулоқоти ҳайати шаҳри Душанбе таҳти роҳбарии муовини якуми Раиси шаҳри Душанбе Маҳмадсаид Зувайдзода идома ёфт.
Ёдовар мешавем, ки ба ҳайати мазкур намояндагони аҳли илму фарҳанг, маорифу тандурустӣ, аз ҷумла, мутахассисони ботаҷрибаи соҳаи тандурустӣ ва омӯзгорони забону адабиёти рус шомил мебошанд.
Бояд гуфт, ки дар доираи Рӯзҳои шаҳри Санкт-Петербург дар Душанбе баргузории як зумра чорабиниҳо ба нақша гирифта шудааст. Аз ҷумла, машварати табибони Санкт-Петербург барои аҳолии шаҳри Душанбе, табодули таҷриба дар соҳаи тандурустӣ, дарсҳои ихтисосӣ (мастер-класс) оид ба вокал ва навохтани асбобҳои мусиқӣ барои тарбиятгирандагони мактабҳои мусиқии шаҳри Душанбе, маърӯза-семинарҳо барои омӯзгорони забони русӣ ҳамчун забони хориҷӣ ва барномаи консертии ҳунармандони театри «Маринский» барои сокинони шаҳри Душанбе дар назар дошта шудааст.
Рухсораи НУР,
АМИТ «Ховар»
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
