Ҳайати фарҳангӣ – соҳибкории Санкт-Петербург ба Душанбе меояд
ДУШАНБЕ, 16.10.2018 /АМИТ «Ховар»/. 18-19 октябри соли равон дар пойтахт мулоқоти ҳайати фарҳангӣ – соҳибкории Санкт-Петербург бо роҳбарияти шаҳри Душанбе ва намояндагони дигар сохторҳои марбутаи мамлакат баргузор мегардад. 18 октябр дар Муассисаи давлатии «Душанбе – Плаза» маросими ботантанаи ифтитоҳи вохӯрии фарҳангӣ-соҳибкории ҳайати мазкур бо роҳбарияти шаҳри Душанбе ва дигар сохторҳои марбута доир мешавад.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, бо мақсади рушду таҳкими робитаҳои бародаршаҳрӣ бо шаҳри Душанбе ҳукумати шаҳри Санкт-Петербурги Федератсияи Россия тасмим гирифтааст, ки ҳайати фарҳангӣ-соҳибкориро ба шаҳри Душанбе сафарбар намояд.
Дар барномаи ин сафар маърӯзаҳо оид ба тадриси забони русӣ, дарсҳо доир ба санъати сарояндагӣ ва навозиши асбобҳои мусиқӣ, машварату маслиҳати духтурон барои аҳолии шаҳри Душанбе, инчунин барномаи мусиқӣ бо иштироки яке аз коллективҳои эҷодии Санкт-Петербург дар назар дошта шудааст.
Ёдовар мешавем, ки 25 сентябри соли 2017 ноиби Губернатори Санкт-Петербург Анна Митянина бо ҳайати бонуфузи соҳибкорон ва аҳли фарҳанг ба пойтахти Ҷумҳурии Тоҷикистон – шаҳри Душанбе ташриф оварда буд. Дар доираи ин сафар мулоқоти ноиби Губернатори Санкт-Петербург Анна Митянина ва ин ҳайат бо роҳбарияти шаҳри Душанбе сурат гирифт. Дар Муассисаи давлатии «Душанбе – Плаза» маросими ботантанаи ифтитоҳи вохӯрии фарҳангӣ-соҳибкории ҳайати Санкт-Петербург таҳти унвони «Рӯнамоии иқтидори иқтисодӣ ва омӯзишии Санкт-Петербург» баргузор гардида буд.
Дар Душанбе даври шаҳрии Фестивал-озмуни ҳунармандону косибон таҳти унвони «Беҳтарин усто ва шогирд» баргузор шуд
Байни шаҳрҳои Душанбе ва Антверпен робитаҳои фарогир таҳким меёбанд
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
НАҚШИ РУСТАМИ ЭМОМАЛӢ ДАР ТАШАККУЛИ СИМОИ НАВИ ПОЙТАХТИ ТОҶИКИСТОН. Ба Рӯзи пойтахти Ҷумҳурии Тоҷикистон бахшида мешавад
