Беморхонаи ноҳияи Роштқалъа бо мошини ёрии таъҷилӣ таъмин гардид
ХОРУҒ, 11.10.2018. /АМИТ «Ховар»/. Беморхонаи касалиҳои рӯҳии ноҳияи Рошқалъа нимаи дуюми моҳи сентябр мавриди баҳрабардорӣ қарор гирифт. Ин беморхона дар масоҳати зиёда аз 2 гектар бо маблағгузории Дирексияи иншооти ҳукуматии Дастгоҳи иҷроияи Президенти Ҷумҳурии Тоҷикистон бунёд гардидааст.
Сардухтури беморхона Аҳтам Чақабоев гуфт, ки «барои корҳои сохтмонӣ ва хариди таҷҳизоти техникию тиббӣ қариб 30 миллион сомонӣ сарф шуд. Воқеан ин яке аз беҳтарин биноҳои муассисаҳои тиббии вилоят шумурда мешавад. Дар ифтитоҳи беморхона Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ширкат намуда, ҳангоми мулоқот бо табибон аз шароити кор пурсон шуданд.
Азбаски ҳудуди хизматрасонии тиббии беморхона масоҳати калонро дар бар мегирад, ба иллати кӯҳна будани мошини ёрии таъҷилӣ табибон зимни интиқол додани беморон бо мушкилӣ рӯ ба рӯ мешаванд. Аз ин рӯ аз Пешвои миллат хоҳиш намудем, ки дар таъмини як мошини ёрии таъчилӣ ба мо кумак расонанд.
Ҳангоми мулоқот бо сокинони ноҳия Сарвари давлат ба Вазорати тандурустӣ ва ҳифзи иҷтимоии ҷумҳурӣ дастур доданд, ки дар зудтарин фурсат беморхонаи навбунёди касалиҳои рӯҳии ноҳияро бо нақлиёт таъмин кунанд. Ва имрӯз мо соҳиби мошини нави ёрии таъҷилӣ гардидем. Ман аз номи табибони ноҳия ба Президенти мамлакат минатдории самимӣ баён мекунам».
Муовини Вазири тандурустӣ ва ҳифзи иҷтимоии аҳолии ҷумҳурӣ Азиз Одиназода зимни супурдани калиди мошин ба беморхонаи мазкур изҳор намуд, ки дар дохили он ҳамаи таҷҳизоти зарурӣ барои расондани ёрии аввалини тиббӣ мавҷуд аст.
Муовини Вазири тандурустӣ ва ҳифзи иҷтимоӣ ҳамчунин омодагии беморхонаи мазкурро ба мавсими зимистон мавриди баррасӣ қарор дод. Ин беморхона дорои Маркази муосири гармидиҳӣ буда, он ҳам ба воситаи неруи барқ ва ҳам тавассути ангиштсанг гармиро аз худ ихроҷ мекунад.
Бо мақсади мунтазам бо оби ошомиданӣ таъмин кардани бинои беморхона дар ҳавлии он чоҳи амудӣ бо чуқурии 30 метр сохта шудааст, ки дар як шабонарӯз дар ҳаҷми 16 ҳазору 800 метри кубӣ об захира мекунад.
Имрӯз дар Тоҷикистон ҳаво то 32 дараҷа гарм мешавад
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
