Дар Душанбе Фестивали фарҳангии «Рӯзҳои Япония» баргузор гардид
ДУШАНБЕ, 29.10.2018. /АМИТ «Ховар»/. Тавре қаблан иттилоъ дода будем, рӯзҳои 27-28 октябри соли равон дар Душанбе Фестивали фарҳангии «Рӯзҳои Япония» баргузор гардид.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, шоми 27 октябри соли равон дар Театри давлатии академии опера ва балети ба номи С. Айнӣ бахшида ба ифтитоҳи Фестивали фарҳангии «Рӯзҳои Япония» намоиш ва барномаи консертӣ баргузор гардид.
Қабл аз ифтитоҳи барномаи консертӣ меҳмонон нахуст аз намоиши ҳунарҳои мардумӣ, дастовардҳои сайёҳӣ ва техникӣ, либосу хӯрокҳои миллӣ, шаклҳои аз қоғаз сохташуда (оригамӣ), бозии миллии кендама дидан намуданд.
Дар намоиш Вазири фарҳанги Ҷумҳурии Тоҷикистон Шамсиддин Орумбекзода ва Сафири Фавқулода ва Мухтори Ҷумҳурии Япония дар Ҷумҳурии Тоҷикистон Ҳаҷиме Китаока сухан гуфта, ҷонибҳо омодагии худро барои рушду густариши минбаъдаи равобити ҳамаҷонибаи судманди фарҳангии байни кишварҳои Тоҷикистону Япония изҳор доштанд.
Дар баробари суруду рақс бозии миллии кендама ва шаклсозӣ аз қоғаз – оригами манзури аҳли толор гардид.
Инчунин дар доираи Фестивали фарҳангии «Рӯзҳои Япония» 27-28 октябр дар Маркази исмоилияи шаҳри Душанбе намоиши ҳунарҳои мардумӣ, дастовардҳои сайёҳӣ ва техникӣ, либосҳо ва хӯрокҳои миллӣ манзури сокинон ва меҳмонони шаҳри Душанбе гардонида шуд.
«КИТОБИ ДУШАНБЕ». Дар пойтахти Тоҷикистон намоишгоҳи чордаҳуми байналмилалӣ баргузор мегардад
Дар Душанбе рӯзҳои фарҳанги шаҳри Бохтар, ноҳияҳои Ховалинг, Лахш, Сангвор, Рашт, Балҷувон ва Дарвоз баргузор мегарданд
Китоби «Аз забони ориёӣ то забони тоҷикӣ» ба нашр расид
Сахидод Раҳматуллозода: «Ба фарзандонатон номҳое гузоред, ки дар оянда аз он ифтихор намоянд»
Филми ҳунарии «Моҳӣ дар шаст» дар Кинофестивали VII байналмилалии «Дарвозаҳои ғарб» соҳиби Шоҳҷоиза шуд
Директори АМИТ «Ховар» дар Форуми воситаҳои ахбори омма ва марказҳои таҳлилии СҲШ дар Бишкек иштирок намуд
Имрӯз дар Бишкек Форуми воситаҳои ахбори омма ва марказҳои таҳлилии Созмони ҳамкории Шанхай баргузор мегардад
Рӯзи фарҳанги ноҳияи Данғара бо шукуҳу шаҳомати хосса баргузор гардид
Имрӯз дар Душанбе рӯзҳои фарҳанги ноҳияҳои Шаҳристон ва Кӯҳистони Мастчоҳ доир шуд
Имрӯз дар боғҳои шаҳри Душанбе рӯзҳои фарҳанги ноҳияҳои Данғара, Шаҳристон ва Кӯҳистони Мастчоҳ баргузор мегарданд
Рӯзи фарҳанги ноҳияи Деваштич дар Душанбе баргузор гардид
Дар Душанбе Рӯзи фарҳанги ноҳияи Хуросон доир шуд
