Дар Душанбе Фестивали фарҳангии «Рӯзҳои Япония» баргузор мегардад
ДУШАНБЕ, 24.10.2018. /АМИТ «Ховар»/. Рӯзҳои 27 — 28 октябри соли равон дар шаҳри Душанбе Фестивали фарҳангии «Рӯзҳои Япония» баргузор мегардад.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, мақсад аз баргузории рӯзҳо густариши робитаҳои фарҳангии дуҷониба миёни Тоҷикистону Япония мебошад.
Ба иттилои манбаъ, ифтитоҳи ботантанаи Рӯзҳо ва барномаи консертӣ шоми 27 октябр дар Театри давлатии академии опера ва балети ба номи С. Айнӣ дар назар аст. Қабл аз ифтитоҳи расмӣ дар назди театри мазкур намоиши ҳунарҳои мардумии Япония ва Тоҷикистон манзури меҳмонони фестивал мегардад.
Ҳамчунин тибқи барнома, рӯзҳои 27-28 октябр дар Маркази Исмоилияи шаҳри Душанбе намоиши ҳунарҳои мардумӣ, дастовардҳои сайёҳӣ ва техникӣ, либосҳо ва хӯрокҳои миллӣ сурат мегирад.
Мавриди зикр аст, ки фестивал аз ҷониби Сафорати Япония дар Тоҷикистон дар ҳамкорӣ бо Вазорати фарҳанги Ҷумҳурии Тоҷикистон гузаронида мешавад.
Дар ёдгории таърихии Қалъаи «Золи Зар»-и ноҳияи Данғара корҳои сохтмонӣ оғоз гардиданд
Байни Тоҷикистон ва Қазоқистон дар самти рушди соҳаи китобдорӣ Ёддошти тафоҳум оид ба ҳамкорӣ ба имзо расид
Намоиши «Достони Сиёвуш» дар Москва ба саҳна гузошта шуд
Намоишномаи мазҳакавии таҳти унвони «Хоҳ биёӣ, хоҳ наё» дар Москва ба саҳна гузошта шуд
Ҳайти эҷодии Тоҷикистон дар Фестивали V байналмилалии театрӣ дар Ашқобод ҳунари миллии театриро муаррифӣ намуд
Бузургтарин ситораҳои санъати Тоҷикистон дар Театри ба номи Лоҳутӣ тарбия ёфтаанд
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
Дар Душанбе бахшида ба Рӯзи театр ҳамоиш доир гардид
Дар Душанбе намоиши асарҳои рассомони Тоҷикистону Чин доир гардид
Одил Дониш аз Осорхонаи миллии Тоҷикистон боздид намуд
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
