Дар ноҳияи Шаҳринав муассисаҳои таълимию ташкилоту идораҳо пурра бо ангишти кони Айнӣ таъмин гардиданд
ШАҲРИНАВ, 27.10.2018. /АМИТ «Ховар»/. Дар назди хоҷагиҳои деҳқонии ноҳияи Шаҳринав шаш адад сардхона бо ғунҷоиши 540 тонна ва шаш адад анбор мавҷуд аст. Барои давраи зимистони солҳои 2018-2019 аз ҳисоби хоҷагиҳои деҳқонии инфиродӣ дар онҳо то имрӯз 150 тонна ангур, 310 тонна гандум, 3,5 тонна ҷав, 210 тонна шолӣ ва 6,6 тонна картошка захира гардидааст. Дар ин бора мудири бахши рушди иқтисод ва савдои ноҳияи Шаҳринав Ҷамолиддин Ғиёсов ба хабарнигори АМИТ «Ховар» хабар дод.
Тибқи иттилои сардори ситоди зимистонгузаронии Раёсати молияи ноҳияи Шаҳринав Рузиқул Ҳикматов, ҷиҳати омодагӣ ба давраи тирамоҳу зимистони солҳои 2018-2019 барои 69 адад муассисаҳои таълимӣ ва ташкилоту идораҳои буҷетии ноҳия бо маблағи 289 ҳазору 227 сомонӣ ангишти хушсифати кони Айнӣ харидорӣ шуд, ки сад фоизи нақшаро ташкил медиҳад.
Мактаб-интернати ҷумҳуриявии кӯдакони ятим, ки дар ноҳияи Шаҳринав ҷойгир аст, имрӯзҳо барои дар сатҳи баланд гузаронидани давраи тирамоҳу зимистон бо 21 тонна ангишт, 30 метри кубӣ ҳезум, 120 литр сӯзишвории дизелӣ, 1 адад генератори барқдиҳанда, 58 адад гармкунакҳои барқӣ ва 10 адад печкаҳои аловӣ таъмин аст.
Муовини директори Мактаб-интернати ҷумҳуриявии кӯдакони ятим Холнисо Меликова иброз намуд, ки «бо сарпарастӣ ва дастгириҳои бевоситаи Пешвои миллат муҳтарам Эмомалӣ Раҳмон имрӯзҳо мо, омӯзгорон 205 нафар кӯдакони ятим ва бепарасторро ба таълиму тарбия фаро гирифтаем. Онҳо бо се вақт хӯроки гарм ва либосҳои зимистона таъмин мебошанд. Кӯдакони ятими ин даргоҳ ба таври ҳамешагӣ зери назорати давлату ҳукумат қарор дошта, барои дар фаслҳои тирамоҳу зимистон бо гармӣ таъмин намудани синфхонаҳо ва хобгоҳҳои хонандагон бо ангишту ҳезум ва дигар таҷҳизоти гармидиҳандаи барқӣ таъмин мебошад. Инчунин 2 тонна орд, 140 литр равған, 200 кг шакар, 2 тонна картошка, 3 тонна пиёз, 500 кг сабзӣ ва 200 кг биринҷ захира намудаем. Бо боварӣ гуфта метавонам, ки кӯдакону наврасони ятими ин даргоҳ дар беҳтарин шароит ба таълиму тарбия фаро гирифта мешаванд».
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
