Дар шаҳри Душанбе мавсими интиқоли гармӣ оғоз шуд
ДУШАНБЕ, 22.10.2018 /АМИТ «Ховар»/. Шурӯъ аз нимаи дуюми моҳи октябри соли 2018 интиқоли гармӣ ба бинову иншооти шаҳри Душанбе зина ба зина оғоз ёфт. Алҳол 816 бинову иншооти ноҳияҳои Сино ва Исмоили Сомонӣ гармӣ гирифта истодаанд. Айни замон корҳои омодагӣ ба интиқоли гармӣ дар дигар бинову иншооти шаҳри Душанбе идома доранд. Дар ин бора аз маркази матбуоти ШСХК «Барқи Тоҷик» ба хабарнигори АМИТ «Ховар» иттилоъ доданд.
Ба иттилои манбаъ, имсол аз рӯи нақшаи техникӣ бояд 1800 бинову иншооти пойтахт бо гармӣ таъмин гарданд. Инчунин барои кори пурсамари Маркази барқу гармидиҳии «Душанбе-2» соли равон зиёда аз 746 ҳазор тонна ангишт захира карда шудааст. Кашондану захира намудани ангишт идома дорад. Маркази барқу гармидиҳии «Душанбе-1» бо шарофати гарм шудани муносибатҳои ҷумҳуриҳои Тоҷикистону Ӯзбекистон имсол фаъолияташро бо истифода аз газ ба роҳ мондааст.
Дар баробари ин, неругоҳҳои барқу гармии пойтахт ҳар шабонарӯз зиёда аз 8,5 миллион киловатт-соат неруи барқ истеҳсол менамоянд. Баъди пурра истифода бурдани марказҳои барқу гармидиҳӣ миқдори истеҳсоли неруи барқ ва гармӣ низ меафзояд
«Дар баробари ин, дар системаи энергетикӣ охирин корҳои таъмирию профилактикии дастгоҳҳои азим идома доранд. Вобаста ба ин зарурат пеш омадааст, ки дар баъзе минтақаҳои ҷумҳурӣ интиқоли барқ зина ба зина қатъ гардад. Ин тадбир муваққатӣ буда, барои хубтар бо барқ таъмин намудани муштариён дар давраи зимистон роҳандозӣ мегардад»,-илова кард манбаъ.
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
