Дар Суғд зиёда аз 1000 нафар наваскарон ба сафи Қувваҳои мусаллаҳ сафарбар гардиданд
ХУҶАНД, 08.10.2018. /АМИТ «Ховар»/. Шурӯъ аз 1 октябри соли равон дар ҷумҳурӣ даъвати тирамоҳии наваскарон ба хизмати ҳатмии ҳарбӣ оғоз гардид. Дар робита ба ин имрўзҳо дар шаҳру ноҳияҳои кишвар маъракаи гусели нахустин гурӯҳи наваскарон идома дорад.
Бино ба иттилои хабарнигори АМИТ «Ховар», дар Амфитеатри Қасри Арбоби ноҳияи Бобоҷон Ғафурови вилояти Суғд бахшида ба гусели 1000 нафар наваскарон аз шаҳру навоҳии вилоят ба сафи Қувваҳои мусаллаҳи мамлакат бо иштироки масъулин ва волидону наздикони наваскарон ҷамъомади тантанавӣ баргузор гардид.
Раиси вилояти Суғд Раҷаббой Аҳмадзода ба даъватшавандагон роҳи сафеду хизмати бобарор таманно намуда, зикр намуд, ки хизмат дар сафҳои Қувваҳои Мусаллаҳ вазифаи ҳар як шаҳрванди кишвар ба ҳисоб рафта, он барои насли наврас муҳимтарин мактаби обутоби ҳаёт мебошад.
Имрӯзҳо шароити буду боши хизматии аскарон дар қисмҳои низомӣ пайваста дар мадди назари Асосгузори сулҳу ваҳдати миллӣ-Пешвои миллат, Президенти мамлакат, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон қарор дошта, дар ҳамаи ҷузъу томҳои Артиши миллӣ шароити мусоиди ҷавобгӯ ба талаботи ҷаҳони муосир барои хизмати ҷавонон муҳайё карда шудааст.
Тавре баён гардид, маҳз фаъолияти хубу корбарии муташаккилонаи фаъолон ва комиссариатҳои ҳарбии ноҳияҳои Шаҳристон, Спитамен ва Кӯҳистони Мастчоҳ буд, ки наваскарон дар рӯзҳои аввалини маъракаи гусел ба хизмати Ватан пурра ҷалб шуданд.
Дар ҷамъомад инчунин бо ҳузури даъватшавандагон ва модарони онҳо анъанаи мардумии «нонгазон» сурат гирифта, барномаи ҷолиби фарҳангӣ хотири ҳозиринро болида сохт.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
