Дар таркиши Гатчина се нафар шаҳрвандони Ҷумҳурии Тоҷикистон ба ҳалокат расиданд
ДУШАНБЕ, 23.10.2018 /АМИТ «Ховар»/. Дар таркише, ки 19 октябри соли равон дар заводи истеҳсоли маводи пиротехникии «Авангард» — и ноҳияи Гатчинаи вилояти Ленинград рух дод, се нафар шаҳрвандони Ҷумҳурии Тоҷикистон ба ҳалокат расиданд. Мувофиқи маълумоти пешакӣ, бар асари ин таркиш 4 нафар ҳалок гардида, 11 нафари дигар ҷароҳатҳои вазнин бардоштаанд.
Тавре сардори маркази матбуоти Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия оид ба муҳоҷират Иброҳим Аҳмадов ба АМИТ «Ховар» хабар дод, шахсияти ҳалокшудагон дар ин таркиш маълум гардид. Инҳо Расулов Аҳлиддин Акрамҷонович, соли таваллудаш 4 апрели соли 1996, зодаи шаҳри Ваҳдат, Акмалзода Осимҷони Ҷумъа, соли таваллудаш 29 июни соли 1996, зодаи ноҳияи Сангвор ва Маҳмадалиев Комилҷон Раҳмонович, соли таваллудаш 22 июни соли 1970, зодаи шаҳри Сарбанд мебошанд.
Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия оид ба муҳоҷират ва Консулгарии Тоҷикистон дар Санкт-Петербург ба наздикони фавтидагон барои интиқоли фаврии ҷасадҳо ба Ватан ва пардохти ҷуброн ба оилаи фавтидагон аз ҷониби корфармо ҳамаҷониба мусоидат менамоянд.
Тибқи иттилои дастрасшуда, Кумитаи тафтишотии вилояти Ленинград нисбат ба ҳодисаи мазкур аз рӯи моддаи вайрон намудани қоидаҳои техникаи бехатарӣ парвандаи ҷиноӣ боз намудааст.
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
