FAO барои ислоҳоти институтсионалии сохтории Вазорати кишварзии Тоҷикистон 5 миллион евро ҷудо менамояд
ДУШАНБЕ, 02.10.2018/АМИТ Т «Ховар»/. Созмони озуқаворӣ ва кишоварзии /FAO/ Созмони Милали Муттаҳид /СММ/ ҷиҳати амалӣ намудани лоиҳаи «Тақвият додани муассисаҳо ва иқтидори Вазорати кишоварзӣ ва Хадамоти назорати давлатии байторӣ ҷиҳати таҳия намудани сиёсат» дар Тоҷикистон 5 миллион евро ҷудо менамояд.
Хабарнигори АМИТ «Ховар» Марзияи САИД иттилоъ медиҳад, ки дар ин росто 1 октябр вакилони Маҷлиси намояндагони Маҷлиси Олии Ҷумҳурии Тоҷикистон Созишномаи байни Ҳукумати Ҷумҳурии Тоҷикистон ва Созмони озуқаворӣ ва кишоварзии СММ оид ба амалӣ намудани лоиҳаи «Тақвият додани муассисаҳо ва иқтидори Вазорати кишоварзӣ ва Хадамоти назорати давлатии байторӣ ҷиҳати таҳия намудани сиёсат»-ро баъди баррасӣ ба тасвиб расониданд.
Вазири кишоварзии Ҷумҳурии Тоҷикистон Изатулло Сатторӣ, ки масъалаи мазкурро дар Парлумон шарҳ дод, гуфт, ки ҳадафи татбиқи лоиҳаи мазкур ба гузаронидани ислоҳоти институтсионалии сохтору воҳидҳои Вазорати кишварзии Ҷумҳурии Тоҷикистон, бахусус рушди хадамоти ветеринарӣ ва амнияти озуқаворӣ нигаронида шудааст.
Интизор меравад, ки дар доираи татбиқи лоиҳаи мазкур дастгоҳу таҷҳизоти муосир ва нақлиёт дастрас гардида, ҳамзамон барои мутахассисони соҳа курсҳои такмили ихтисос ва омӯзиши забони англисӣ ба роҳ монда мешаванд.
Лоиҳаи мазкур дар зарфи панҷ сол татбиқ гардида, он дар самти дастгирии Барномаи ислоҳоти бахши кишоварзии Ҷумҳурии Тоҷикистон барои солҳои 2012-2020 қадами муассирест.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Президенти Ҷумҳурии Узбекистон Шавкат Мирзиёев Рустами Эмомалиро бо ордени «Барои хизмати фидокорона» сарфароз гардониданд
Мулоқоти Рустами Эмомалӣ бо Президенти Ҷумҳурии Узбекистон Шавкат Мирзиёев
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ аз Маркази тамаддуни исломӣ дар шаҳри Тошканд боздид намуданд
Рустами Эмомалӣ бо Раиси Сенати Олий Мажлиси Ҷумҳурии Узбекистон Танзила Нарбаева мулоқот намуданд
Рустами Эмомалӣ дар Тошканд бо Нақшаи генералии лоиҳаи шаҳрсозии «Тошканди нав» шинос шуданд
Рустами Эмомалӣ дар назди муҷассамаи Истиқлолият дар боғи «Узбекистони Нав» гулчанбар гузоштанд
Сафари расмии Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба Ҷумҳурии Узбекистон
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
