Имрӯз дар Душанбе Кинофестивали 8-уми байналмилалии «Дидор» оғоз меёбад
ДУШАНБЕ, 16.10.2018 /АМИТ «Ховар»/. Имрӯз дар шаҳри Душанбе бахшида ба Рӯзи кинои тоҷик 8-умин Кинофестивали байналмилалии «Дидор» баргузор мегардад.
Тавре ба АМИТ «Ховар» аз «Хонаи кино» (Кинотеатри «Зебуннисо»)-и шаҳри Душанбе мунаққиди соҳаи кино Саъдулло Раҳимов хабар дод, дар кинофестивали мазкур филмҳои ҷумҳуриҳои Қазоқистон, Қирғизистон, Озарбойҷон, Россия, Муғулистон, Украина, Эстония, Гурҷистон, Афғонистон, Ҳиндустон, Эрон ва Ӯзбекистон ба намоиш гузошта мешаванд. Бояд гуфт, ки дар Кинофестивали байналмилалии «Дидор» тӯли 5 рӯз беш аз 60 филми гуногунҳаҷм ба намоиш гузошта мешаванд.
Ба иттилои манбаъ, Кинофестивал имрӯз, соати 18:00 дар театри ба номи А. Лоҳутӣ ифтитоҳ меёбад. Дар Кинофестивали байналмилалии «Дидор» зиёда аз 20 филми тоҷикӣ ба намоиш гузошта мешаванд, ки аз ин шумора 9 филм пурра ва 12 –тояш филмҳои кӯтоҳметраж мебошанд.
Инчунин дар доираи кинофестивал «Барномаи ҳамсояҳо» доир шуда, филмҳо аз ҷумҳуриҳои Ӯзбекистон, Қирғизистон ва Қазоқистон намоиш дода мешаванд.
Ёдовар мешавем, ки 16 октябр дар Тоҷикистон Рўзи кинои тоҷик таҷлил гардида, бахшида ба ин рӯз ҳамасола аз 16 то 20 октябр Кинофестивали байналмилалии «Дидор» доир мегардад.
Кинои тоҷик фаъолияти худро 11 сентябри соли 1929 оғоз намуда, дар тўли 88 соли мавҷудияташ симои мардуми тоҷикро дар вазъиятҳои гуногуни таърихӣ ва иҷтимоӣ инъикос кардааст. Кинои тоҷик тӯли ин солҳо ҳамчун яке аз падидаҳои фарҳанги миллӣ вазифаи муқаддаси худро то андозае иҷро карда, ҳамчун оинаи миллат мардуми моро ба ҷаҳониён муаррифӣ намуд.
Бояд гуфт, ки дар доираи Кинофестивали байналмилалии «Дидор» намоиши филмҳо ҳамарӯза аз соати 10:00 то 20:00 тавассути 5 намоиш пешниҳод мешаванд.
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
Тоҷикистон ва Британияи Кабир ҳамкориро дар самти омӯзиши забони англисӣ густариш медиҳанд
Тоҷикистон ва Британияи Кабир ҳамкориро дар самти омӯзиш ва ҳифзи ёдгориҳои таърихию фарҳангӣ тақвият медиҳанд
