Президенти Ҳиндустон Шри Рам Натҳ Ковинд бо ҳайати устодону донишҷӯёни Донишгоҳи миллии Тоҷикистон мулоқот намуд
ДУШАНБЕ, 08.10.2018 /АМИТ «Ховар»/. Президенти Ҷумҳурии Ҳиндустон Шри Рам Натҳ Ковинд дар доираи сафари давлатӣ ба Ҷумҳурии Тоҷикистон 8 октябр бо ҳайати устодону донишҷӯёни Донишгоҳи миллии Тоҷикистон мулоқот намуд.
Президенти Ҷумҳурии Ҳиндустон Шри Рам Натҳ Ковинд ва ҳайати ҳамроҳонаш нахуст бо дастовардҳои устодону донишҷўён, аз ҷумла Парки технологӣ, маркази биотехнология, адабиёти таълифнамудаи намояндагони илму адаби ду ҷониб дар бораи Тоҷикистону Ҳиндустон ва дастхатҳои нодири китобхонаи Донишгоҳи миллии Тоҷикистон шинос шуданд. Меҳмони олиқадрро намояндагони Ҳукумати Ҷумҳурии Тоҷикистон ҳамроҳӣ карданд.
Сипас дар толори барҳавои ин муассисаи олии таълимӣ мулоқоти Президенти Ҷумҳурии Ҳиндустон бо намояндагони илму маорифи Тоҷикистон сурат гирифт. Президенти Ҷумҳурии Ҳиндустон аз муштаракоти фарҳангӣ, адабӣ ва илмии намояндагони барҷастаи ду ҷониб ёдовар шуда, мулоқоту музокироти сатҳи олии Тоҷикистону Ҳиндустонро заминаи асосӣ барои равнақ ёфтани ҳамкории дуҷониба дар оянда арзёбӣ карданд.
Дастгириҳои доимии Ҳукумати мамлакат ва дар ин замина фароҳам шудани шароити замонавӣ барои аз худ кардани касб таҳсили ҷавононро аз давлатҳои дуру наздик, аз ҷумла Ҳиндустон дар муассисаҳои оливу касбии Тоҷикистон тадриҷан зиёд мегардонад. Ҳоло тақрибан ҳазор нафар шаҳрвандони Ҳиндустон дар муассисаҳои оливу касбии Тоҷикистон дар соҳаҳои гуногун таҳсил доранд. Қисми асосии ҷавонони ҳинду дар Тоҷикистон бо назардошти шуҳрати оламгири амалию назариявии касби табибии тоҷикон дар гузаштаву имрўз ва шароити мусоиди азхудкунии ин касби пуршараф мутахассисони соҳаи тиб мешаванд.
Тақвият ёфтани робитаҳои фарҳангӣ ва илмӣ аз иқдомҳои сарони ҳарду давлати ба ҳам дўсту бародар, Асосгузори сулҳу ваҳдати миллӣ-Пешвои миллат, Президенти ҶТ муҳтарам Эмомалӣ Раҳмон ва Президенти Ҷумҳурии Ҳиндустон Шри Рам Натҳ Ковинд маншаъ гирифтааст. Дар ин замина барои ҷудо намудани стипендияҳои таълимиву зиёд кардани таҳсили ҷавонон тадбирҳои тақвиятбахшанда амалӣ гардонида мешаванд.
Ба имзо расидани Ёддоштҳои нави тафоҳум ва дар ин замина фароҳам шудани имконоти беҳтари ҳуқуқиву моддӣ дар оянда робитаҳои дуҷонибаи Тоҷикистону Ҳиндустонро дар самти маорифу илм ва тиб боз ҳам тақвият мебахшад.
Дар охир ба меҳмони олиқадр туҳфаи хотиравӣ тақдим гардид ва Президенти Ҷумҳурии Ҳиндустон дар китоби меҳмонони олиқадр соядаст гузоштанд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
