Владимир Жириновский аз Тоҷикистон боздид менамояд
ДУШАНБЕ, 24.10.2018/АМИТ «Ховар»/. Раиси ҳизби либералию демократии Россия Владимир Жириновский охири моҳи октябр бо сафари серӯза бо ҳайати беш аз 20-нафараи вакилони Думаи давлатии Федератсияи Россия ба Тоҷикистон меояд.
Раиси Кумитаи Маҷлиси намояндагон оид ба ҳамкории байналмилалӣ, иттиҳодияҳои ҷамъиятӣ ва ВАО Олимҷон Салимзода дар суҳбат ба хабарнигори АМИТ «Ховар» гуфт, ки сафари Владимир Жириновский ба Тоҷикистон бо ташаббуси худи ӯ ва дар доираи таҳкими робитаҳои байнипарлумонии Тоҷикистону Россия сурат мегирад.
Интизор меравад, ки ходими сиёсии Россия дар доираи сафараш ба Тоҷикистон бо Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров, Вазири корҳои хориҷии Ҷумҳурии Тоҷикистон Сироҷиддин Муҳриддин, намояндагони аҳзоби сиёсии Тоҷикистон, ки дар Парлумон фраксия доранд ва ҳайати устодону донишҷӯёни Донишгоҳи славянии Тоҷикистону Россия мулоқот анҷом диҳад.
Зимни сафар ба Тоҷикистон Раиси ҳизби либералӣ –демократии Федератсияи Россияро беш аз 20 нафар вакилони Думаи давлатӣ ва коршиносон ҳамроҳӣ менамоянд.
Ҳамзамон В. Жириновский ва ҳамроҳонаш аз мавзеҳои таърихию фарҳангии Тоҷикистон, назири Қалъаи Ҳисор, Осорхонаи ширкати алюминии Тоҷикистон «ТАЛКО» ва ангурзорҳои водии Ҳисор боздид хоҳад кард.
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мешавад
Маҳмадшоҳ Гулзода дар ҷаласаи 24-уми тирамоҳии Ассамблеяи парлумонии Созмони амният ва ҳамкорӣ дар Аврупо иштирок намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Маҷлиси намояндагон тағйирот ба Конвенсия оид ба авиатсияи граждании байналмилалиро қабул намуд
Дар Танзания вохӯрии ҳамоҳангсозии роҳбарони ҳайатҳои парлумонии давлатҳои аъзои СААД доир шуд
Ҷаласаи навбатии иҷлосияи сеюми Маҷлиси намояндагони Маҷлиси Олӣ, даъвати ҳафтум баргузор гардид
Даври дуюми Мактаби САҲА оид ба дипломатия, роҳбарӣ ва сулҳоварӣ барои ҷавондухтарон оғоз гардид
Дар Маҷлиси намояндагон бахшида ба Рӯзи забони давлатии Ҷумҳурии Тоҷикистон ҳамоиши идона баргузор гардид
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум доир гардид
Созишнома байни Ҳукумати Тоҷикистон ва Ҳукумати Амороти Муттаҳидаи Арабӣ оид ба алоқаи ҳавоӣ қабул гардид
