Дар пойтахти Давлати Кувайт барномаи фарҳангии ҳунармандони тоҷик баргузор гардид
ДУШАНБЕ, 22.11.2018. /АМИТ «Ховар»/. Дар Театри ба номи Абулазиз Абулризои пойтахти Давлати Кувайт барномаи фарҳангии аҳли санъат ва ҳунари тоҷик баргузор гардид.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, ҳайати расмӣ ва эҷодии Тоҷикистонро муовини аввали Вазири фарҳанги Ҷумҳурии Тоҷикистон Ибодулло Машраб роҳбарӣ намуд.
Дар барномаи фарҳангӣ раиси Шӯрои илм ва фарҳанги Давлати Кувайт Алӣ Юъҳа, муовини Вазири корҳои хориҷии ин кишвар Алӣ Саид Сулаймон, намояндагони корпусҳои дипломатӣ ва мухлисони санъату фарҳанг иштирок намуда, аз тамошои барномаи консертӣ, намоиши мусаввараҳо ва ҳунарҳои мардумии тоҷикон дидан намуданд.
Дар ин барномаи рангини фарҳангӣ санъат ва ҳунари тоҷикро ҳунармандони маъруф Давлатманди Хол, Хуҷастаи Мирзовалӣ, Фотима Машрабова, Ситораи Кароматулло, Амирҷон Рӯзиев, Дамирбек Олимов ва ҳунарпешаҳои Ансамбли рақсии «Парасту» муаррифӣ намуданд.
Ёдрас мешавем, ки ҳайати мазкур баъди ба анҷом расидани сафари ҳунарӣ дар Давлати Кувайт барои иштирок дар аввалин Рӯзҳои фарҳанги Ҷумҳурии Тоҷикистон ба Давлати Қатар сафар намуд.
Рӯзҳои фарҳанги Ҷумҳурии Тоҷикистон дар Давлати Қатар аз имрӯз, 22 ноябр оғоз гардида, то 28 ноябр идома меёбанд.
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
Тоҷикистон ва Британияи Кабир ҳамкориро дар самти омӯзиши забони англисӣ густариш медиҳанд
