Ҳифзи моликияти зеҳнӣ дар Ҷумҳурии Тоҷикистон аз Конститутсия сарчашма мегирад
ДУШАНБЕ, 03.11.2018 /АМИТ «Ховар»/. Дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон бо иштироки доираи васеи рӯзноманигорон дар мавзӯи «Асосҳои моликияти зеҳнӣ» дарси маҳорат баргузор гардид.
Тавре мухбири АМИТ «Ховар» иттилоъ медиҳад, дар он мутахассисони Маркази миллии патенту иттилоот, вазоратҳои фарҳанг ва кишоварзии Ҷумҳурии Тоҷикистон дар мавзӯъҳои мафҳуми моликияти зеҳнӣ ва объектҳои он, низоми милливу байналмилалии ҳифз ва ҳимояи моликияти зеҳнӣ, ҷанбаҳои ҳуқуқиву иқтисодии моликияти зеҳнӣ сухан гуфтанд.
Зикр шуд, ки аз ҷониби Ҳукумати Ҷумҳурии Тоҷикистон «Стратегияи миллии рушди моликияти зеҳнӣ дар Ҷумҳурии Тоҷикистон барои солҳои 2014 — 2020» ва «Барномаи рушди неру ва моликияти зеҳнии инсон барои давраи то соли 2020» қабул гардидаанд, ки барои рушди моликияти зеҳнӣ, ҳамоҳангсозӣ, банақшагирӣ, муайян намудани самтҳои рушди минбаъдаи соҳа, пешгирии ҳуқуқвайронкуниҳо дар соҳа тавассути ҳамкорӣ бо мақомоти дахлдори ҷумҳурӣ, тиҷоратикунонии объектҳои моликияти зеҳнӣ ва мутобиқ намудани санадҳои меъёрии ҳуқуқии соҳаи моликияти зеҳнӣ ба санадҳои байналмилалӣ мусоидат менамоянд.
«Кормандони воситаҳои ахбори омма, ки ҳамарӯза бо ҷомеа ва эҷод сару кор доранд, дар татбиқи ин барномаву стратегия нақши муҳим мегузоранд. Зеро онҳо дар барномаву гузоришҳои худ оид ба объектҳои моликияти зеҳнӣ ва ҳуқуқи муаллиф сухан карда, ба ин восита дар ҷомеа корҳои фаҳмондадиҳиро ба ҷо меоранд»,- гуфта шуд дар ҷамъомад.
Мақсад аз баргузории дарси маҳоратро масъулин баланд бардоштани савияи дониш, иттилоотонӣ, фаҳмонидани моҳият ва мафҳуми соҳаи моликияти зеҳнӣ ба намояндагони ВАО арзёбӣ намуданд.
Ёдовар мешавем, ки объект ва субъекти моликияти зеҳниро дар Ҷумҳурии Тоҷикистон аз Конститутсия сар карда, то қонун ва кодексҳои алоҳидаи махсуси ин соҳа ҳифз менамоянд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
