Рӯзҳои фарҳанги Ҷумҳурии Тоҷикистон дар Давлати Қатар анҷом ёфтанд
ДУШАНБЕ, 30.11.2018. /АМИТ «Ховар»/. Ҳайати эҷодӣ ва расмии Рӯзҳои фарҳанги Ҷумҳурии Тоҷикистон дар Давлати Қатар бо таассуроти бою рангин ба Душанбе баргашт. Хабарнигори бахши арабии АМИТ «Ховар» Тоҷиддин РИЗВОНОВ ба ин ҳайат шомил буд.
Аъзои ҳайати эҷодӣ ва расмии Рӯзҳои фарҳанги Ҷумҳурии Тоҷикистон дар Давлати Қатар аз 22 то 28 ноябри соли ҷорӣ дар ин кишвар қарор доштанд.
Мавриди зикр аст, ки ҳайати расмӣ ва эҷодии Рӯзҳоро Вазири фарҳанги Ҷумҳурии Тоҷикистон муҳтарам Шамсиддин Орумбекзода сарварӣ намуда, ба он Давлатманд Холов, Хуҷастаи Мирзовалӣ, Фотима Машрабова, Ситораи Кароматулло, Амирҷон Рӯзиев, Дамирбек Олимов ва ҳунарпешаҳои Ансамбли рақсии «Парасту» шомил буданд.
Дар доираи Рӯзҳои фарҳанги Ҷумҳурии Тоҷикистон дар Давлати Қатар ҳайати фарҳангии Тоҷикистон таҳти роҳбарии Вазири фарҳанг бо фаъолияти Китобхонаи миллии ин кишвар шинос шуда, зимни боздид аз ин боргоҳи дониш Вазири фарҳанги Ҷумҳурии Тоҷикистон Шамсиддин Орумбекзода китоби Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Тоҷикон дар оинаи таърих» (бо забони арабӣ) ва китоби академик Бобоҷон Ғафуров- «Тоҷикон»-ро ба мудири ин китобхона такдим намуд. Ҳамчунин ҳайати фарҳангии Тоҷикистон аз осорхонаи Шайх Файсал ибни Қосим Оли Сонӣ дидан намуда, бо мусаввараҳо ва ёддоштҳои таърихии Давлати Қатар шинос шуданд.
Бояд зикр кард, ки чорабиниҳои фарҳангии Ҷумҳурии Тоҷикистон аз ҷониби воситаҳои ахбори оммаи Давлати Қатар ба таври васеъ инъикос ёфта, аз ҷониби ширкатҳои гуногуни телевизионӣ низ намоиш дода шуданд. Аз ҷумла, рўзномаи «Ал Ватан»-и Давлати Қатар ҷараёни Рӯзҳои фарҳанги Ҷумҳурии Тоҷикистонро дар ин кишвар муфассал инъикос намуд.
Ҳайати фарҳангии Тоҷикистон баъди ба анҷом расидани сафари ҳунарӣ бо таассуроти баланд ба ватан баргашт.
Ёдовар мешавем, ки Рӯзҳои фарҳанги Ҷумҳурии Тоҷикистон дар Давлати Қатар дар таърихи Тоҷикистони соҳибистиқлол бори аввал сурат гирифтанд.
«Барномаи рушди мактабҳои бачагонаи мусиқӣ, рассомӣ, санъат ва мактаб-интернатҳои миёнаи махсуси ҷумҳуриявии мусиқӣ ва санъат дар Ҷумҳурии Тоҷикистон барои солҳои 2027-2031» қабул гардид
Аз ҳудуди ноҳияи Данғара ёдгории нодири меъмории мансуб ба асрҳои IX–XII ёфт гардид
Дар Душанбе бахшида ба 35-солагии Истиқлолияти давлатӣ ҳамоиши тантанавӣ баргузор гардид
29 август дар Душанбе Рӯзи фарҳанги вилояти Хатлон баргузор мешавад
«ЯК МЕРОС, ДУ САРЗАМИН». Намоишгоҳи муштараки маҷозии Тоҷикистон ва Эрон ифтитоҳ ёфт
Оид ба таҳаввули мутолиаи китоб дар даврони Истиқлолияти давлатӣ маҳфили адабӣ баргузор гардид
Дар Рӯзи фарҳанги Вилояти Мухтори Кӯҳистони Бадахшон ба сокинони пойтахт ганҷинаи нотакрори ҳунар пешниҳод гардид
«CHAKAN HOUSE». Дар Донишгоҳи давлатии Данғара маркази дӯзандагӣ ифтитоҳ гардид
Имрӯз дар боғҳои шаҳри Душанбе рӯзҳои фарҳанги ВМКБ ва ноҳияи Файзобод баргузор мегарданд
Дар Душанбе рӯзи фарҳанги ноҳияҳои Ишкошим ва Мурғоб баргузор шуд
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
БОЗЁФТИ НОДИР. Сиккаҳои замони Сомониён дар Хутали Қадим кашф гардиданд
