Раиси нави Иттифоқи суратгирони Тоҷикистон интихоб шуд
ДУШАНБЕ, 10.11.2018 /АМИТ «Ховар»/. 9 ноябр дар Душанбе Анҷумани суратгирони Тоҷикистон баргузор шуд. Дар кори Анҷуман мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Муҳиддин Пайшанбезода иштирок намуд. Пеш аз оғози Анҷуман суратҳои аксбардорони собиқадор Геннадий Ратушенко ва Сафарбек Фозилов аз давраи Шӯравӣ ва Истиқлолияти ҷумҳурӣ ба намоиш гузошта шуда буданд.
Дар анҷуман масъалаҳои интихоби раиси нави иттифоқ, интихоби раёсат ва масъалаҳои ҷорӣ баррасӣ гардиданд. Нахуст раиси Иттифоқи суратгирони Тоҷикистон Геннадий Ратушенко оид ба кори иттифоқ ва муваффақиятҳои он иттилоъ дод. Ӯ дар бораи намоишҳои суратҳо дар дохил ва хориҷи кишвар нақл намуд.
Мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Муҳиддин Пайшанбезода аз номи Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода иштирокдорони Анҷуманро табрик гуфта, иброз дошт, ки Иттифоқи суратгирон бо бинои худ таъмин гардида, аъзои иттифоқ муттаҳид шуда, минбаъд корро бо дастгирии Ҳукумати мамлакат ҷоннок менамоянд.
Муҳиддин Пайшанбезода таваҷҷуҳи аъзои иттифоқро ҷиҳати сазовор пешвоз гирифтани ҷашни 30-солагии Истиқлолияти Ҷумҳурии Тоҷикистон ҷалб намуда, зикр дошт, ки суратгирони ҷумҳурӣ бо силсиланамоишҳои худ дар ҳама соҳаҳо- иқтисодиёт, иҷтимоиёт, туризм ва ғайра бо аксҳои зебову ҷолиб бояд Тоҷикистонро дар арсаи ҷаҳон муаррифӣ намоянд. Ӯ ҳамчунин ба мардони ҳунар- аксбардорони собиқадори кишвар, аз ҷумла Геннадий Ратушенко, Заур Дахте, Мақсудҷон Муҳиддинҷонов, Сафарбек Фозилов, Маҳмадюсуф Юнусов, Тӯхтамурод Рӯзиев ва дигарон барои фаъолияти пурсамар дар пешрафти кишвар изҳори миннатдорӣ намуд.
Иштирокдорони анҷуман якдилона раиси нави Иттифоқи суратгирони Тоҷикистон ва аъзои раёсати онро интихоб намуданд. Раиси нави Иттифоқи суратгирони Тоҷикистон Аминҷон Азимов интихоб шуд.
Дар анҷуман аъзои иттифоқ таклифҳои ҷолиби худро пешниҳод намуданд.
ЭМОМАЛӢ РАҲМОН – ПАЙВАНДГАРИ ТОҶИКОН ВА ФОРСИЗАБОНОН. Дар ҳошияи китоби Президенти Тоҷикистон «Забони миллат – ҳастии миллат»
Аъзои ҳайати Маҷлиси умумичинии намояндагони мардумии Чин дар Осорхонаи миллӣ бо тамаддуни тоҷикон шинос гардиданд
Ёдгориҳои таърихию фарҳангии Тоҷикистон ба рӯйхати муқаддамотии ЮНЕСКО ворид гардиданд
«ҶАҲОНИ СИРК ДИЛҲОРО МУТТАҲИД МЕКУНАД!». Фестивали якуми байналмилалии санъати сиркӣ оғоз меёбад
Аъзои Маҷлиси умумичинии намояндагони мардумии Чин Қалъаи бостонии Ҳисорро тамошо намуданд
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
