Сардухтури Маркази тиббии «Хорев»-и Исроил Роман Барак: «Ояндаи наздик дар Тоҷикистон намояндагии беморхонаи мо ифтитоҳ мегардад»
ДУШАНБЕ, 09.11.2018 /АМИТ «Ховар»/. Маркази тиббии «Хорев» -и Исроил ояндаи наздик дар шаҳри Душанбе намояндагии худро ифтитоҳ менамояд. Дар ин бора зимни нишасти матбуотие, ки дар пойтахти Тоҷикистон баргузор гардид, сардухтури он, президенти кумитаи тадорукоти ҷоизаи «Золотой Гиппократ» Роман Барак ба рӯзноманигорон иттилоъ дод.
Дар нишасти мазкур гурӯҳи табибони исроилӣ, ки тайи ду рӯзи охир ба мутахассисони тоҷик дар беморхонаи «Истиқлол» дарси машваратӣ гузарониданд ва доираи васеи рӯзноманигорон иштирок намуданд.
«Мо имрӯз бо ҳайати ҳамкоронамон – профессорон, ки дар самтҳои гуногун дар беморхонаи «Хорев» фаъолият мекунанд ва аксарияти онҳо сардухтурони Вазорати тандурустии Исроил мебошанд, дар ин ҷо қарор дорем. Ин ҳайат дар тамоми мамлакатҳо фаъолият мекунад. Маркази тиббии мо дар зиёда аз 60 мамлакати олам намояндагӣ дорад. Ин бори аввал аст, ки мо дар шаҳри Душанбе қарор дорем ва баъди баргузории мулоқоту машварати дуҷониба бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба наздикӣ дар ин шаҳр намояндагии Маркази тиббии «Хорев»-ро ба истифода медиҳем»,-гуфт Роман Бабак.
Ба гуфтаи номбурда, мақсади асосии сафари ҳайати онҳо ба Тоҷикистон- ин ба зинаи нав баровардани тибби мамлакат мебошад. Барои амалӣ гардонидани ин ҳадаф нафаре, ки мехоҳад мутахассиси соҳаи тиб шавад, бояд аз давраи мактабӣ забони англисиро хуб омӯзад. Ин ба хотири он, ки имрӯз тибби ҷаҳонӣ бо ин забон рушд дорад.
Дар нишаст инчунин профессор, шахси намоёни соҳаи бемориҳои чашм дар Исроил, директори Институти бемориҳои чашми Маркази тиббии «Хорев» Дэвид Исраэл, ки дар шаҳри Душанбе ба дунё омада, ба воя расидааст, сухан кард.
Дар охири нишаст Роман Барак зикр намуд, ки хизматрасонии Маркази тиббӣ барои ҳар як шаҳрванди Тоҷикистон дастрас хоҳад буд, зеро мақсади асосии онҳо пешниҳоди хизматрасонии босифату гуногуни тиббӣ ва наҷот додани мардум аз бемориҳои табобатшаванда мебошад.
Оид ба дастовардҳои соҳаи меҳнат, муҳоҷират ва шуғли аҳолӣ дар даврони Истиқлолияти давлатӣ конференсияи илмӣ–амалӣ доир гардид
Самтҳои афзалиятноки рушди таҳсилоти касбӣ бо намояндагони Бонки Осиёии Рушд баррасӣ гардид
ОГОҲӢ! Аз 21 то 24 август дар баъзе минтақаҳои Тоҷикистон омадани сел пешгӯӣ мешавад
Натиҷаҳои амалишавии Лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
Дар Тоҷикистон беш аз 5 ҳазор муассисаи тандурустӣ фаъолият мекунад
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
