Шералӣ Раҳматуллоев: «Пешниҳод карда шуд, ки соли 2019 Соли бехатарии озуқа, ғизои тоза ва тарзи ҳаёти солим эълон карда шавад»
ДУШАНБЕ, 03.11.2018 /АМИТ «Ховар»/. Ба Ҳукумати Ҷумҳурии Тоҷикистон пешниҳод карда шуд, ки соли 2019 Соли бехатарии озуқа, ғизои тоза ва тарзи ҳаёти солим эълон карда шавад. Ин матлабро дирӯз зимни нишасти матбуотӣ бахшида ба Шарҳи якҷояи соли ҳаштуми татбиқи «Стратегияи миллии солимии аҳолии Ҷумҳурии Тоҷикистон барои солҳои 2010-2020» сардори Раёсати ташкили хизматрасониҳои тиббӣ ба модарону кӯдакон ва танзими оилаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Шералӣ Раҳматуллоев баён дошт.
Зикр шуд, ки бехатарии озуқа ва ғизои солим самти афзалиятноки Ҳукумати Ҷумҳурии Тоҷикистон буда, яке аз масъалаҳои стратегии сеюм ба ҳисоб меравад.
«Мутаассифона, дар Тоҷикистон он ғизое, ки мо истеъмол мекунем, сифатан мувофиқ нест, аз ин хотир 38 фоизи занҳо бо вазни зиёд, 11 фоиз занҳои лоғар, 18 фоиз кӯдакони қадпаст ва 10 фоиз кӯдакони камвазн ба қайд гирифта шудаанд. Барои ҳалли ин мушкилӣ мо имрӯз тадбирҳои зиёд андешида истодаем»,- зикр кард Ш.Раҳматуллоев.
Зимни нишасти матбуотӣ баён дошта шуд, ки дар ҷумҳурӣ «Стратегияи рушди устувори ғизои мактабӣ» тадбиқ шуда истодааст. Дар доираи он дар 52 мактаби таҷрибавӣ таъмир ва таҷҳизонидани ошхонаҳо ва омӯзонидани ошпазон доир гардида истодааст. Стратегияи мазкур то соли 2027 амалӣ гардида, дар доираи он зина ба зина тамоми мактабҳои ҷумҳурӣ бо ғизои солим таъмин карда мешаванд.
Бояд зикр намуд, ки зимни Шарҳи якҷояи соли ҳаштуми татбиқи «Стратегияи миллии солимии аҳолии Ҷумҳурии Тоҷикистон барои солҳои 2010-2020» дар шаҳри Душанбе дастовардҳои низоми тандурустӣ дар марҳилаи солҳои 2010-2018 ва саҳми Шарикон оид ба рушд дар амалисозии Стратегияи мазкур дар соли 2018 баррасӣ гардид.
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
БОЙГОНӢ — ГАНҶИНАИ БЕБАҲОИ МИЛЛАТ. Ба Рӯзи байналмилалии бойгонӣ бахшида мешавад
Дар Душанбе татбиқи технологияҳои рақамӣ дар соҳаи таҳсилоти касбӣ бо ширкати Чин баррасӣ шуд
Қонун «Дар бораи танзими ҷашну маросим дар Ҷумҳурии Тоҷикистон» — тадбири намунавӣ дар байни мардумони кишварҳои Осиёи Марказӣ
Тоҷикистонро моҳи аввали фасли тобистон чӣ гуна ҳаво интизор аст?
Муассисаҳои таҳсилоти ибтидоӣ ва миёнаи касбии Тоҷикистон бо озмоишгоҳҳои муосири таълимӣ таъмин гардиданд
