Ҷамъияти тоҷикони Миср «гирдиҳамоии оилавӣ»-и манқуртҳои наҳзатиро маҳкум менамояд
ДУШАНБЕ, 12.12.2018 /АМИТ «Ховар»/. 10 декабр дар шабакаҳои иҷтимоӣ ва сомонаҳои тобеи ташкилоти террористӣ-экстремистии ҳизби наҳзати исломӣ дар бораи баргузории «гирдиҳамоии оилавӣ»-и манқуртҳои наҳзатӣ дар назди сафоратхонаи Ҷумҳурии Тоҷикистон дар Германия хабар нашр гардид. Дар робита ба он ба АМИТ «Ховар» аз номи Ҷамъияти тоҷикони Миср изҳорот расидааст, ки ин амали нангини онҳоро маҳкум менамояд. Дар изҳорот, аз ҷумла чунин гуфта мешавад:
«…Аз наворҳои пахшгардида ба хубӣ мушоҳида мегардид, ки шумораи зиёди ҷамъомадагонро кӯдакони хурдсол ва ё ноболиғон ташкил медоданд. Қисмати дигари ҳузурдоштагон рӯйи худро пинҳон намуда, аз ҳузури худ шарм ва ё бим доштанд ё аслан шаҳрванди Тоҷикистон набуданд. Дар масъалаи истифода гардидани кӯдакони хурдсол аз тарафи ТТЭ ҲНИ- ин худ як ҷиноятест зидди инсоният.
Мутаассифона, мо имрӯз боз шоҳиди он кирдорҳое гардидем, ки дар оғози солҳои навадум аз ҷониби ТТЭ ҲНИ бо дастуру супориши сарпарасти маънавияшон ташкил дода шуда, сабаби рехтани хуни садҳо ҳазор мардуми бегуноҳ гардида буданд.
Шахси оқилу ватандӯст аз мушоҳидаи ба ном «гирдиҳамоии наҳзатиёни ифротӣ» бардошти манфӣ пайдо намуда, нафраташ нисбат ба кабирисиратҳо зиёд мегардад. Наҳзатиёни ифротӣ ғофил аз онанд, ки таърихи миллати тоҷик бадсириштиву бадрафтории онҳоро рӯйи саҳифаҳои худ сабт намуда, онҳоро ҳамчун хоинони миллат ёдовар хоҳад шуд.
Бояд зикр кард, ки дар ҷаҳони имрӯза раванди рақобатҳои стратегӣ шиддат гирифта истодааст ва нишонаҳои доман паҳн кардани идеологияҳои тундгаро дар кишварҳои аврупоӣ возеҳ мушоҳида мешаванд. Бино бар гузориши Бюрои федеролии тафтишотии Германия, дар қаламрави кишвар 2137 ҷамъияти гуногуни мутаассир ба идеологияи гурӯҳҳои ифротӣ фаъолият доранд. Ва ҳузури «наҳзатиҳо» дар кишварҳои аврупоӣ ва омезишу ҳамкории онҳо бо чунин ташкилотҳо хатари онҳоро барои ҷомеаи Тоҷикистон боз ҳам бештар мегардонад.
Аз ин рӯ, мо, аъзои Ҷамъияти тоҷикони Миср ин амали фитнаангези душманони миллатро ба куллӣ маҳкум намуда, аз ҷавонон даъват ба амал меорем, то неруи хешро ба омӯзиши илмҳои фоидаовар сафарбар намуда, дар рушду пешрафти кишвари азизамон саҳми босазо гузоранд. Шумо – ҷавонон неруи ояндасозу тақдирсози миллат ҳастед, аз ин рӯ ояндаи босуботи Ватан ба шумо вобаста аст».
Ҷамъияти тоҷикони Миср
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
