Дар Душанбе Конгресси миллии шахсони маъюби Тоҷикистон оғоз гардид
ДУШАНБЕ, 03.12.2018. /АМИТ «Ховар»/. Имрӯз бахшида ба Рӯзи байналмилалии шахсони дорои маъюбият, ки ҳамасола 3 декабр дар тамоми ҷаҳон ҷашн гирифта мешавад, дар Маркази исмоилияи шаҳри Душанбе Конгресси миллии шахсони маъюби Тоҷикистон оғоз ёфт.
Тавре мухбири АМИТ «Ховар» хабар медиҳад, дар ҷамъомад намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Иттиҳодияи миллии маъюбони Тоҷикистон, Ҷамъияти Ҳилоли Аҳмари Ҷумҳурии Тоҷикистон, сафоратҳои Германия ва Франсия, ҳамчунин аз тамоми манотиқи Ҷумҳурии Тоҷикистон ва кишварҳои ҳамсоя шахсони дорои маъюбият ҷамъ омада, дастовардҳои худро муарифӣ намуданд.
Ҳамчунин дар Конгресси мазкур бахшида ба Соли рушди сайёҳӣ ва ҳунарҳои мардумӣ намоишгоҳи ҳунарҳои мардумӣ, ки аз ҷониби шахсони маъюб тайёр шудаанд, ба маърази намоиш гузошта шуд.
Бояд гуфт, ки ҳамоиши мазкур бо дастгирии Ҳукумати Ҷумҳурии Тоҷикистон ва шарикони рушд тӯли се рӯз дар Маркази исмоилия идома ёфта, ҳамчунин дар он як зумра масъалаҳои вобаста ба рӯзгори шахсони маъюб баррасӣ мегарданд.
Тавре роҳбари Иттиҳодияи миллии маъюбони Тоҷикистон (ИММТ) Асадулло Зикрихудоев зикр намуд, «дар чорчӯбаи Конгресс озмуни «Бонуи мустақил – 2018» байни духтарони маъюб аз чор минтақаи Тоҷикистон- Суғд, Хатлон, Бадахшон ва ноҳияҳои тобеъи марказ гузаронида мешавад. Озмуни мазкур ба баланд бардоштани нақши занон дар ҷомеа ва пешгирии хушунат нисбат ба онҳо нигаронида шудааст», — гуфт ҳамсуҳбати мо.
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
