Дар ноҳияи Шоҳмансури шаҳри Душанбе бинои шуъбаи Кумитаи давлатии амнияти миллӣ ба истифода дода шуд
ДУШАНБЕ, 27.12.2018 /АМИТ «Ховар»/. Бо иштироки Раиси шаҳри Душанбе Рустами Эмомалӣ ва Раиси Кумитаи давлатии амнияти миллии Ҷумҳурии Тоҷикистон Саймуъмин Ятимов дар арафаи Рӯзи кормандони амнияти миллӣ бинои шуъбаи Кумитаи давлатии амнияти миллӣ дар ноҳияи Шоҳмансури шаҳри Душанбе ифтитоҳ гардид.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, корҳои сохтмонӣ дар иншооти хизматӣ соли 2017 оғоз гардида, дар муддати 1 сол пурра ба анҷом расонида шуданд.
Лоиҳаи бинои шуъбаи Кумитаи давлатии амнияти миллӣ дар ноҳияи Шоҳмансур аз ҷониби Ҷамъияти саҳомии кушодаи «Корезлоиҳа»-и Кумитаи меъморӣ ва сохтмони назди Ҳукумати Ҷумҳурии Тоҷикистон омода гардидааст. Корҳои сохтмонӣ аз тарафи Ҷамъияти дорои масъулияти маҳдуди «Сабр-Аф» ба анҷом расонида шудаанд.
Имрӯз беҳсозии шароити хизматӣ барои кормандони сохторҳои қудратӣ аз ҳадафҳои аслии роҳбарияти Ҳукумати мамлакат ба ҳисоб меравад.
Раиси шаҳри Душанбе Рустами Эмомалӣ бинои нави шуъбаи Кумитаи давлатии амнияти миллӣ дар ноҳияи Шоҳмансурро туҳфаи арзишманди Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арафаи Рӯзи кормандони амнияти миллӣ барои кормандони ин ниҳоди қудратии мамлакат арзёбӣ кард.
Бинои мазкур аз 4 ошёна, аз ҷумла, 8 ҳуҷраи корӣ, бойгонӣ, анбор, ҳаммом, толори варзишӣ ва иншооти ёрирасон иборат мебошад.
Фармоишгари иншоот Кумитаи давлатии амнияти миллии Ҷумҳурии Тоҷикистон буда, бинои нав бо маблағи зиёда аз 3,5 миллион сомонӣ бунёд ёфтааст.
Ҳамзамон дар иншооти мазкур низоми гармидиҳии дохилӣ пурра васлу насб гардидааст. Ҳудуд ва атрофи бино тибқи меъёрҳои амниятӣ бо деворҳои муҳофизатӣ иҳота гардида, дар он низоми камераҳои мушоҳидавӣ, огоҳкунӣ аз сӯхтор ва алоқаи шаҳрӣ насб шудаанд.
Ниҳоли дарахтони ороишию сояафкан ва гулу буттаҳо атрофи иншоотро зебову назаррабо намудаанд.
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
