Фестивал-озмуни ҷумҳуриявии «Навозандагони ҷавон» ва «Рассомони наврас» ҷамъбаст мегардад
ДУШАНБЕ, 24.12.2018. /АМИТ «Ховар»/. Имрӯз, 24 декабр, соати 14:00 дар Театри давлатии академии опера ва балети ба номи С. Айнӣ Фестивал-озмуни ҷумҳуриявии «Навозандагони ҷавон» ва «Рассомони наврас» ҷамъбаст мегардад.
Тавре аз маркази матбуоти Вазорати фарҳанги Ҷумҳурии Тоҷикистон АМИТ «Ховар» хабар доданд, даври аввали фестивал-озмун қаблан сипарӣ гардида, дар он 46 нафар мутрибони наврас иштирок намуданд. Аз байни иштирокчиён 20 нафар ба даври ниҳоӣ роҳ ёфтанд, ки асбобҳои гуногуни мусиқӣ, ба монанди рубоб, рубоби прима, дутор, кларнет, най, фортепиано, доира, скрипка ва кселофон менавозанд.
Ҳамзамон 50 нафар хоҳишмандон аз Коллеҷи ҷумҳуриявии рассомӣ ба номи М. Олимов ва шаш мактаби санъати бачагона аз шаҳри Душанбе ва ноҳияҳои тобеи марказ дар бахши «Рассомони наврас» иштирок намуданд. Аз ин миён асарҳои 10 нафари онҳо ба даври ҷамъбастӣ роҳ дода шуд.
Ёдовар мешавем, ки Фестивал — озмун бо мақсади тарғибу ташвиқ ва дастгирии истеъдодҳои наврас дар соҳаи санъати мусиқӣ ва тасвирӣ, инкишофу шавқу завқи наврасон дар ин соҳаҳо, фароҳам овардани шароити муносиб барои дарёфти истеъдодҳои ҷавон байни наврасони лаёқатманд, инкишоф додани малакаҳои касбӣ ва ҳунарии онҳо ва омода намудани истеъдодҳои ҷавон ба озмуну фестивалҳои байналмилалӣ гузаронида мешавад.
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
Тоҷикистон ва Британияи Кабир ҳамкориро дар самти омӯзиши забони англисӣ густариш медиҳанд
Тоҷикистон ва Британияи Кабир ҳамкориро дар самти омӯзиш ва ҳифзи ёдгориҳои таърихию фарҳангӣ тақвият медиҳанд
