«Ҷилои дигар». Таҳти ин унвон дар Душанбе намоиши мусаввараҳои рассоми чирадаст Мақсуд Мирмуҳаммадов оғоз гардид
ДУШАНБЕ, 12.12.2018. /АМИТ «Ховар»/. Шоми дирӯз дар меҳмонхонаи «Серена Душанбе» бахшида ба Соли рушди сайёҳӣ ва ҳунарҳои мардумӣ намоиши мусаввараҳои рассоми бомаҳорати тоҷик Мақсуд Мирмуҳаммадов бо номи «Ҷилои дигар» оғоз гардид.
Тавре мухбири АМИТ «Ховар» хабар медиҳад, дар намоишгоҳ беш аз 35 санъати тасвирӣ ба тамошо гузошта шуданд. Бояд зикр кард, ки дар офаридаҳои рассоми ҷавон ҳусну малоҳат ва латофату назокати зан таҷассум ёфтаанд, ки аз тахайюлоти бою рангин ва зебоипарастии рассоми ҷавон шаҳодат медиҳанд. Инчунин рассом дар мусаввараҳои худ табиати зебои ватанамонро инъикос намудааст.
Меҳмонони зиёде аз асарҳои офаридаи ин ҳунарманди соҳибистеъдод дидан карда, ба онҳо баҳои баланд доданд. Тамошобинон аз дидани ҳар як асари офаридаи рассом як ҷаҳон баҳра гирифтанд.
Дӯстдорони санъати тасвирӣ метавонанд аз намоишгоҳи мазкур то 11 январи соли 2019 дидан намоянд.
Ёдовар мешавем, ки Мақсуд Мирмуҳаммадов бо мусаввараҳои зебою дидании худ табиати Тоҷикистонро дар як қатор мамлакатҳои ҷаҳон муаррифӣ намудааст.
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
Дар Душанбе бахшида ба Рӯзи фалак ҳамоиш доир гардид
Имрӯз дар Тоҷикистон Рӯзи фалак таҷлил мегардад
Тоҷикистон дар Бозиҳои 20-уми Делфии ҷавонони кишварҳои аъзои ИДМ соҳиби ҷойи аввал гардид
Тоҷикистон ва Британияи Кабир ҳамкориро дар самти омӯзиши забони англисӣ густариш медиҳанд
Тоҷикистон ва Британияи Кабир ҳамкориро дар самти омӯзиш ва ҳифзи ёдгориҳои таърихию фарҳангӣ тақвият медиҳанд
Даври ҷамъбастии Озмуни ҷумҳуриявии «Тоҷикистон—Ватани азизи ман» доир мегардад
Таҳкими ҳамкорӣ байни Осорхонаи миллии Тоҷикистон бо Шурои Британия дар Душанбе баррасӣ гардид
Иштирокдорони Бозиҳои ХХ Делфии ҷавонони ИДМ аз Осорхонаи миллии Тоҷикистон боздид намуданд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг доир мегардад
