Китоби «Пешвои миллат бо ҷавонон» ба нашр расид
ДУШАНБЕ, 25.12.2018 /АМИТ «Ховар»/. Дар шаҳри Душанбе таҳти сарпарастии президенти Федератсияи футболи Тоҷикистон Рустами Эмомалӣ китоби «Пешвои миллат бо ҷавонон» ба нашр расид.
Китоби мазкур давоми ду сол таҳия шуда, муаллифони он раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода ва сиёсатшинос, вакили Маҷлиси намояндагони Маҷлиси Олии Ҷумҳурии Тоҷикистон Қиёмидин Миралиён мебошанд.
Тавре Қиёмидин Миралиён ба мухбири АМИТ «Ховар» хабар дод, китоби мазкур ба Соли ҷавонон бахшида шуда, ҳамчун нишони ғамхорӣ, меҳрубонӣ, дастгирии пайгирона ва эътимоди падаронаи Пешвои миллат муҳтарам Эмомалӣ Раҳмон нисбат ба ҷавонони Тоҷикистон манзур мегардад.
Ба зикри номбурда, дар китоб дастовардҳои даврони соҳибистиқлолии мамлакат дар самти татбиқи сиёсати давлатии ҷавонон, ки бо ташаббус, дастгирӣ ва дастуру ҳидоятҳои бевоситаи Президенти Ҷумҳурии Тоҷикистон муҳтарам Эмомалӣ Раҳмон ба даст омадаанд, таҳлил шудаанд.
«Дар давраи 25 соли Истиқлолияти давлатӣ дар ҳаёти ҷавонони Тоҷикистон дигаргуниҳои зиёд ба вуқӯъ омаданд. Пастию ноумедӣ, рӯҳафтодагӣ ва мушкилоти зиёди зиндагӣ онҳоро дучор омад, ки ҳар кадом давра ба давра ҳалли худро ёфтанд. Дар ҳалли ҳар як мушкилот Сарвари давлат муҳтарам Эмомалӣ Раҳмон ҳамроҳи ҷавонон буданд ва онҳоро дастгирӣ мекарданд. Пешвои миллат бо ҷавонон буданд ва ҳастанд», — омадааст дар пешгуфтори китоб.
Бояд зикр намуд, ки китоби мазкур ба доираи васеи хонандагон, аз ҷумла ҷавонон, олимон, сиёсатмадорон ва гурӯҳҳои дигари алоқаманд барои истифода тавсия дода мешавад.
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 228 нафар хатм намуданд
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
Роҳбарияти Осорхонаи миллии Тоҷикистон бо ҳафриёти бостоншиносӣ дар ёдгории бостонии Сайёд шинос шуд
РИОЯИ ФАРҲАНГИ МИЛЛӢ. Дар Донишкадаи давлатии фарҳанг ва санъати Тоҷикистон барои блогерон даври омӯзишӣ гузаронида мешавад
Аз ноҳияи Темурмалик ёдгориҳои нодири мансуб ба асри биринҷ ва давраи Кушониён бозёфт гардиданд
Китоби «Дар ҳавои Мавлоно»-и Раҳмоналӣ Мирализода рӯнамоӣ гардид
Дар Душанбе Рӯзи фарҳанги ноҳияи Дарвоз баргузор гардид
Рӯзи фарҳанги ноҳияи Балҷувон шукуҳманд таҷлил карда шуд
Дар Душанбе Рӯзи фарҳанги ноҳияи Рашт баргузор гардид
Имрӯз дар боғҳои шаҳри Душанбе рӯзҳои фарҳанги ноҳияҳои Рашт, Балҷувон ва Дарвоз баргузор мегарданд
