МАРҲАБО, ДӮСТОНИ АЗИЗ! НУРИ ДИДА, ТОҶИ САР! Ҳунармандони Театри вилоятии мусиқию драмавии шаҳри Самарқанд ба вилояти Суғд омаданд
ДУШАНБЕ, 11.12.2018. /АМИТ «Ховар»/. Ҳунармандони Театри вилоятии мусиқию драмавии шаҳри Самарқанд ба номи Ҳамид Олимҷон дар ҳайати 16 нафар ба маркази маъмурии вилояти Суғд омаданд. Онҳоро дар назди дарвозаи Хуҷанди бостонӣ бо нидоҳои «Марҳабо, дӯстони азиз! Нури дида, тоҷи сар!» пазироӣ намуданд.
Тавре аз маркази матбуоти Раиси вилояти Суғд ба АМИТ «Ховар» хабар доданд, ҳунармандони театри Самарқанд дар Театри мусиқӣ-мазҳакавии ба номи Камоли Хуҷандии маркази вилоят намоиши «Бигзор ман бимирам»-ро ба тамошобинони тоҷик пешниҳод менамоянд.
Мақсад аз сафари намояндагони вилояти Самарқанд ба вилояти Суғд мустаҳкам гардидани муносибатҳои фарҳангӣ миёни вилоятҳо, таҳкими равобити дӯстӣ ва баҳравар гардидан аз санъати театрии ҳамдигар мебошад.
Мавриди зикр аст, ки Театри вилоятии мусиқию драмавии шаҳри Самарқанд яке аз театрҳои нахустин ва калонтарини Ӯзбекистон буда, соли 1914 аз ҷониби ҳунармандони тоҷику ӯзбек ва рус таъсис дода шудааст. Аввалин спектакли театри мазкур аз рӯи асари Маҳмуд Беҳбудӣ худи ҳамон сол пешкаши ҳаводорони театр гардонида шуда буд. Солҳои 60-70-уми асри гузашта оҳангсози машҳури тоҷику ӯзбек, Ҳунарпешаи халқии СССР, дорандаи Ҷоизаи давлатии СССР, Ҳунарпешаи халқии Ӯзбекистон ва Ходими шоистаи санъати Тоҷикистон профессор Мухтор Ашрафӣ ба ҳайси роҳбари бадеии театри мазкур кор кардааст.
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
«Харитаи хатсайри Шӯриши Восеъ» ба ҷалби бештари сайёҳони дохилию хориҷӣ мусоидат менамояд
Корҳои тармиму барқарорсозӣ дар ёдгориҳои Қалъаи Муъминобод, Қалъаи Кӯлоб ва қасри Ҳокими Ҳисор идома доранд
Дар Бадахшон даври вилоятии Озмуни ҷумҳуриявии «Тоҷикистон — Ватани азизи ман» ҷамъбаст гардид
Бо иштироки олимони бостоншинос филми мустанади «Хутали қадим» таҳия гардид
Дар Тоҷикистон 6 агентии иттилоотӣ, аз ин 1 давлатӣ ва 5 мустақил фаъолият доранд
НИШАСТИ МАТБУОТӢ. «Шоҳи қуллаҳо» — филми мустанад дар мавзуи ҳифзи бабри барфӣ сазовори ҷоиза гардид
Ба истиқболи 35-солагии Истиқлоли давлатӣ бинои беназир дар минтақа — Театри миллии Тоҷикистон ба истифода дода мешавад
НИШАСТИ МАТБУОТӢ. Дар Тоҷикистон ду барномаи нави соҳаи фарҳанг қабул гардид
Раиси Кумитаи миллӣ оид ба ҳуқуқи инсони Давлати Қатар Қалъаи Ҳисорро тамошо намуд
Рӯзи фарҳанги шаҳрҳои Гулистон, Бӯстон ва Истиқлол бо шукуҳу шаҳомати хосса баргузор гардид
