Ширкати «IRS»: бо вуҷуди номусоидии обу ҳаво роҳи Душанбе–Чаноқ боз ва ҳаракати воситаҳои нақлиёт таъмин аст
ДУШАНБЕ, 10.12.2018 /АМИТ «Ховар»/. Бо вуҷуди номусоидии вазъи обу ҳаво рӯзҳои охир роҳи Душанбе–Чаноқ боз буда, ҳаракати воситаҳои нақлиёт таъмин аст. Бо дарназардошти вазъияти мавҷуда танҳо бо мақсади ба вуҷуд наомадани танбашавии воситаҳои нақлиёт барои муҳлати кӯтоҳ ҳаракати воситаҳои нақлиёти ядакдор ва «Фура»-ҳо муваққатан боздошта мешавад.
Дар ин бора аз маркази матбуоти Филиали ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон ба АМИТ «Ховар» хабар доданд.
«Борҳо гуфта будем ва иловатан таъкид менамоем, ки маҳз бетафовутии як идда ронандагон ба тавсияҳои мо- бобати бе омодагии ҷиддӣ ба роҳ набаромадан, худдорӣ кардан аз сафар бо воситаҳои нақлиёти бидуни тири пешбаранда, ба ҷой овардани эҳтироми ҳамдигар сабаби дар мавсими сармо ба вуҷуд омадани танбашавӣ дар роҳи Душанбе-Чаноқ мегардад»,-омадааст дар иттилоияи Филиали ширкати саҳомии «Инновейтив Роуд Солюшнз ЛТД».
Инчунин ширкати мазкур дар идомаи иттилоияи худ чунин изҳор доштааст: «Табиист, ки дар чунин ҳолат ашхоси аз асли масъала ноогоҳ борони маломатро сари филиали Ширкат мерезанд, ҳол он ки мо рисолати худро дар сатҳи хубу сифати баланд ва дарки масъулиятшиносӣ пеш бурда истодаем».
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз вазъи ҳавои ноустувор дар мамлакат ҳушдор дода, чунин иттилоъ дода буд: «Дар ҷумҳурӣ ҳарорати ҳаво якбора паст шуда, боридани барф дар назар аст».
Дар баробари Кумитаи ҳолатҳои фавқулода ва мудофиаи граждании назди Ҳукумати ҷумҳурӣ, Бозрасии давлатии автомобили Вазорати корҳои дохилии мамлакат низ аз ронандаҳо даъват карданд, ки воситаҳои нақлиёти худро барои истифода ба фасли зимистон омода намоянд.
Бо назардошти гуфтаҳои боло, роҳбарият ва кормандони Филиали ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон шаҳрвандонро бовар мекунонанд, ки сарфи назар аз вазъи обу ҳаво фаъолияти филиали Ширкат чун ҳарвақта дар сатҳи хуб ва сифати баланд сурат хоҳад гирифт.
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
Моҳи охири фасли тобистон дар Тоҷикистон ҳарорати ҳаво то 1 дараҷа баланд мешавад
Дар Тоҷикистон соли 2026 ҳаҷми маблағи кумакпулии унвонии иҷтимоӣ бештар гардидааст
БАРНОМАИ РУШДИ РОҲНАМОИ КАСБ. Татбиқи он имкон медиҳад, ки шумораи аҳолии бо ҷойи кор таъминшуда ҳамасола 2-2,2 фоиз афзоиш ёбад
«ЧИЛ ДУХТАРИ ТОҶИК БО ЧИЛ ГЕСӮИ ДАРОЗ». Таҳти ин унвон намоиши либосҳои миллӣ баргузор гардид
Шумораи аҳолии машғул ба фаъолияти иқтисодӣ дар Тоҷикистон беш аз 2 миллион нафарро ташкил медиҳад
Дар минтақаи Кӯлоб шумораи нафақагирон беш аз 127 ҳазор нафарро ташкил медиҳад
Ба 12 оилаи аз офати табиӣ зарардидаи ноҳияи Абдураҳмони Ҷомӣ қитъаи замини наздиҳавлигӣ ҷудо гардид
