Вазорати корҳои дохилии Тоҷикистон аз мусодираи ҳаҷми махсусан калони маводи тарфгарӣ хабар медиҳад
ДУШАНБЕ, 06.12.2018 /АМИТ «Ховар»/. Сомонаи расмии Вазорати корҳои дохилии Ҷумҳурии Тоҷикистон дар бораи боздошти се нафар сокинони шаҳри Душанбе ва мусодираи ҳаҷми махсусан калони маводи тарфгарӣ хабар медиҳад.
Ба иттилои Вазорати корҳои дохилии мамлакат, ҳангоми гузаронидани чорабиниҳои фаврӣ-ҷустуҷӯӣ кормандони милитсия дар ноҳияи Фирдавсӣ-1 пойтахт ноболиғон- писарбачагони 16 ва 17-солаи сокинони кӯчаи А.Ғуломов ва ҷавонзани 33-солаи сокини пойтахтро ҳамчун гумонбар дар муомилоти ғайриқонунии маводи тарфгарӣ дастгир намуданд.
Дар вақти азназаргузаронии хонаи истиқоматии зани номбурда 19 ҳазору 250 дона маводи тарфгарии тамғаи «хлопушка» дарёфт ва мусодира карда шуд.
Дар соли нав тарконидани маводи тарканда, ба истилоҳ «хлопушка» қариб ба анъана табдил ёфтааст. Ин омил сабаби вайрон кардани тартиботи ҷамъиятӣ ва ба тарсу ҳарос оварда расонидани шаҳрвандон, аз ҷумла шахсони дорои бемории дил дар рӯзҳои ид мегардад.
Кормандони мақомоти корҳои дохилӣ ҷиҳати пешгирии воридот, фурӯш ва нигоҳдории ғайриқонунии маводи тарфгарӣ тадбирҳои мушаххас меандешанд.
Бояд гуфт, ки соли 1999 бо Қарори Ҳукумати Ҷумҳурии Тоҷикистон «Дар бораи манъ кардани воридот ва фурӯши маводи пиротехникӣ» воридот ва фурӯши он манъ карда шудааст. Инчунин тибқи моддаи 199 –и Кодекси ҷиноии Ҷумҳурии Тоҷикистон шахсони ба гардиши ғайриқонунии маводи шарорадор — «пиротехникӣ» машғул дар асоси банди якуми моддаи мазкур «воридоти ғайриқонунӣ, нигоҳдорӣ, фурӯш ва ё барои соҳибӣ ба шахси дигар дода шудааст, аз 100 то 200 нишондиҳандаи ҳисоббаробаркунӣ ҷарима андохта мешаванд»
Тафтишоти ҳодисаи мазкур идома дорад.
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
БОЙГОНӢ — ГАНҶИНАИ БЕБАҲОИ МИЛЛАТ. Ба Рӯзи байналмилалии бойгонӣ бахшида мешавад
Дар Душанбе татбиқи технологияҳои рақамӣ дар соҳаи таҳсилоти касбӣ бо ширкати Чин баррасӣ шуд
Қонун «Дар бораи танзими ҷашну маросим дар Ҷумҳурии Тоҷикистон» — тадбири намунавӣ дар байни мардумони кишварҳои Осиёи Марказӣ
Тоҷикистонро моҳи аввали фасли тобистон чӣ гуна ҳаво интизор аст?
Муассисаҳои таҳсилоти ибтидоӣ ва миёнаи касбии Тоҷикистон бо озмоишгоҳҳои муосири таълимӣ таъмин гардиданд
