Ҳаракати воситаҳои нақлиёт ба самти Хуҷанд ва аз ҳудуди ноҳияи Айнӣ ба ҷониби Душанбе муваққатан боздошта шуд
ДУШАНБЕ, 21.01.2019 /АМИТ «Ховар»/. Бинобар зиёд гардидани хавфи тармафароӣ тибқи талаботи фармоиши якҷояи вазоратҳои корҳои дохилӣ ва нақлиёти мамлакат шурӯъ аз субҳи дирӯз ҳаракати ҳама гуна воситаҳои нақлиёт аз километри 47 (плазаи Ҳушёрӣ) ба самти Хуҷанд ва аз километри 81- ҳудуди ноҳияи Айнӣ ба ҷониби шаҳри Душанбе муваққатан боздошта шуд.
Дар ин бора ба мухбири АМИТ «Ховар» сардори Маркази матбуоти филиали Ширкати саҳомии “Инновейтив Роуд Солюшнз ЛТД” дар Ҷумҳурии Тоҷикистон Далери Абдулло хабар дод.
Бино ба иттилои манбаъ, минтақаи осебпазири ин роҳ километрҳои 62- 73 маҳсуб мешаванд, ки дар онҷо низ техникаҳои пуриқтидори филиали Ширкат фаъолият доранд. Баъд аз бартараф шудани тармаҳо ва хавфи тармафароӣ дар ин мавзеъ ба ҳаракати воситаҳои нақлиёт иҷозат дода мешавад. Ҳамчунин Далери Абдулло иброз дошт, ки «ситоди муштарак аз ҳисоби кормандони ширкат ва вазоратҳои нақлиёту корҳои дохилӣ дар ин масир барои назорати роҳ фаъолият дорад. Айни замон роҳбарияти филиали Ширкат дар километри 62- юм қарор доранд ва доир ба ҳолати роҳ маълумоти иловагӣ пешниҳод мегардад».
Мавриди зикр аст, ки дар минтақаҳои Зарафшон ва Суғд роҳ аз барф тоза ва бо маводи зиддилағжиш коркард шуда, дар ин минтақаҳо роҳандозии ҳаракати воситаҳои нақлиёт таъмин аст. Масъулин аз ронандагон даъват ба амал меоранд, ки қарори ширкатро дуруст дарк кунанд, зеро маҳдуд кардани ҳаракат ба амнияти худи онҳо рабт дорад.
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
