Ҳушдори Кумитаи ҳолатҳои фавқулода: аз сафар бо роҳҳои кӯҳӣ муваққатан худдорӣ намоед!
ДУШАНБЕ, 17.01.2018. /АМИТ «Ховар»/. Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар робита ба боришоти барфу борони пай дар пайи рӯзҳои охир ба таваҷҷуҳи шаҳрвандон мерасонад, ки аз сафар бо роҳҳои кӯҳӣ муваққатан худдорӣ намоянд.
Ба иттилои манбаъ, боришоти барфу борон дар минтақаҳои мухталифи мамлакат ҳамоно идома дорад.
«Хатари лағжиши тарма ва резиши санг дар роҳҳои кӯҳӣ рафъ нашудааст. Мутаассифона, на ҳамаи сокинон ба ҳушдорҳои пайваста гӯш медиҳанд. Ҳамоно барои ҷамъоварии ҳезум ё шикор рафта, ҷони худро дар хатар мегузоранд», — илова намуд манбаъ.
Кумита ҳушдор медиҳад, ки 20 январ дар мамлакат ҳаво сербориш шуда, борону барфи омехта метавонад ҳаракати нақлиётро дар роҳҳои кӯҳӣ мушкилтар созад.
«Аз ронандагон хоҳиш карда мешавад, ки ҳамаи қоидаҳои ҳаракат дар роҳҳо, аз ҷумла дар чунин рӯзҳоро риоя кунанд ва ҷони худу ҳамроҳонашонро дар хатар нагузоранд. Ронандагонро зарур аст, ки дар минтақаҳои тармафаро то 500 метр масофаро риоя кунанд»,- хабар дод манбаъ.
Дар Рашт бинои нави шуъбаи Хадамоти давлатии оташнишонӣ ба истифода дода шуд
Дар фурудгоҳҳои байналмилалии Тоҷикистон бо шаҳрвандон корҳои иттилоотию фаҳмондадиҳӣ гузаронида шуданд
Ҳамкории Тоҷикистон ва Қазоқистон дар соҳаи тандурустӣ густариш меёбад
ОГОҲӢ. То 13 ноябр дар Тоҷикистон ҳавои номусоид пешгӯӣ мешавад
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
