Вазири адлия: «Дар Ваҳдат ва ноҳияи Рӯдакӣ ду муассисаи ислоҳӣ бунёд мегарданд»
ДУШАНБЕ, 28.01.2019 /АМИТ «Ховар»/. Интизор меравад, ки соли равон дар шаҳри Ваҳдат ва ноҳияи Рӯдакӣ ду муассисаи ислоҳӣ ба истифода дода шаванд. Вазири адлияи Ҷумҳурии Тоҷикистон Рустам Шоҳмурод 28 январ дар ҷамъи хабарнигорон дар Душанбе гуфт, ки алҳол корҳои сохтмонӣ дар ин иншоот ҷараён дошта, бинои як қисми муассисаи ислоҳӣ дар шаҳри Ваҳдат соли равон мавриди баҳрабардорӣ қарор дода мешавад.
Сабаби бунёди ду муассисаи ислоҳиро дар шаҳри Ваҳдат ва ноҳияи Рӯдакӣ вазир на дар афзоиши теъдоди маҳбусон, балки аз пойтахт баровардани муассисаи ислоҳии рақами №1 арзёбӣ намуд.
Вазири адлия ҳамзамон зимни нишасти матбуотӣ баён дошт, ки дар Тоҷикистон соли гузашта ба таври расмӣ никоҳи хешу таборӣ ба қайд гирифта нашудааст.
Мусаллам аст, ки соли 2016 Парлумони Тоҷикистон ба Кодекси оилаи Ҷумҳурии Тоҷикистон тағйирот ворид намуд. Тибқи он муоинаи ҳатмии тиббии ҷавонон қабл аз издивоҷ ба роҳ монда шуда, никоҳи хешутаборӣ дар кишвар манъ карда шуд. Ҳадафи тағйирот ба Кодекси оилаи мамлакат бунёди ҷомеаи солим аст, ки он аз оила ва оила аз инсонҳо сарчашма мегирад.
Вазири адлия зикр кард, ки дар ин давра дар мамлакат аз ҷониби мақомоти сабти асноди ҳолати шаҳрвандӣ беш аз 82 ҳазор ҳолати сабти никоҳ, беш аз 231 ҳазор ҳолати сабти таваллуд ва 11 ҳазор ҳолати сабти бекоркунии никоҳ ба қайд гирифта шудааст.
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
