Вазорати адлия 85 аризаи бақайдгирии иттиҳодияҳои ҷамъиятиро рад намуд
ДУШАНБЕ,28.01.2019. /АМИТ«Ховар»/. Соли гузашта дар Тоҷикистон ёздаҳ ташкилоти ҷамъиятӣ дар асоси аризаи Вазорати адлия бо қарори суд барҳам дода шудаанд, ки ин омор соли 2017 даҳ ададро ташкил медод.
Вазири адлияи Ҷумҳурии Тоҷикистон Рустами Шоҳмурод имрӯз дар нишасти матбуотӣ дар Душанбе ба хабарнигорон гуфт, ки дар ин давра ба 51 ташкилоти ҷамъиятӣ огоҳии хаттӣ дода шуд. Алҳол дар кишвар 2 ҳазору 576 ташкилоти ҷамъиятӣ фаъолият дошта, соли сипаригардида ба вазорат 1 ҳазору 818 иттиҳодияи ҷамъиятӣ ва ҳафт ҳизби сиёсӣ ҳисобот пешниҳод намуданд.
Инчунин соли сипаригардида як ҳазору 718 созмонҳои ҷамъиятӣ вобаста ба қабул намудани грантҳо ва кумакҳо аз созмонҳои давлатҳои хориҷӣ ба Вазорат огоҳинома пешниҳод намуданд,- афзуд вазир.
Бо дахли бақайдгирии аҳзоби сиёсӣ ва иттиҳодияҳои ҷамъиятӣ вазири адлияи кишвар зикр кард, ки соли гузашта ба мақомоти адлия 464 ариза ҷиҳати бақайдгирии иттиҳодияҳои ҷамъиятӣ, қайди баҳисобгирии филиалу намояндагиҳо ва барҳамдиҳӣ ворид гардид. Аз ин шумора, дар ҷумҳурӣ 182 иттиҳодияи ҷамъиятӣ ба қайд гирифта шуда, 39 филиал ва намояндагиҳои иттиҳодияҳои ҷамъиятӣ аз қайди баҳисобгирӣ гузаронида шуданд.
Вазорат дар ин давра 85 аризаи бақайдгирии иттиҳодияҳои ҷамъиятиро рад намуд. Дар ин давра 145 иттиҳодияҳои ҷамъиятӣ ва 6 филиали иттиҳодияҳои ҷамъиятӣ ҷараёни бақайдгирии барҳамдиҳии давлатиро гузашта, аз Феҳристи ягонаи давлатии иттиҳодияҳои ҷамъиятӣ хориҷ карда шуданд.
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
