Абдулло Абдуллоев: «Хонандагони мактабро маҷбуран суғурта кардан ғайриқонунист»
ДУШАНБЕ, 1.02.2019. /АМИТ «Ховар»/. Дар робита ба сару садоҳое, ки гӯё кормандони Корхонаи воҳиди давлатии «Тоҷиксуғурта» хонандагони муассисаҳои таълимии миёнаи умумии мамлакатро ба суғурта намудан маҷбур мекунанд, муовини аввали директори генералии КВД «Тоҷиксуғурта» Абдулло Абдуллоев дирӯз зимни нишасти матбуотӣ иброз дошт, ки ин кор танҳо бо розигии волидони онҳо сурат мегирад.
«Гарчанде суғурта намудани хонандагон ба манфиати онҳост, вале ин намуди суғурта ихтиёрӣ буда, касе ҳуқуқ надорад онҳоро маҷбур намояд», — афзуд Абдулло Абдуллоев.
Мавсуф зикр кард, ки аз ҷониби корхонаи мо ба директорони мактабҳо барои суғурта кардан пешниҳод сурат мегирад. Муаллимон бо баргузор намудани маҷлиси падару модарон манфиати онро ба волидон мерасонанд. Дар сурати розигии волидон фарзандонашон суғурта карда мешаванд.
Номбурда дар хусуси он ки гӯё кормандони ин корхона шаҳрвандонро барои суғурта кардани манзилҳои истиқоматияшон маҷбур намуда бошанд, иброз дошт, ки суғурта кардани манзил низ ихтиёрӣ буда, касе ҳаққи маҷбур кардан надорад.
Бояд гуфт, ки дар чунин ҳолатҳо шаҳрвандон метавонанд ба мақомоти дахлдори мамлакат муроҷиат намоянд.
Мавриди зикр аст, ки соли 2018 КВД «Тоҷиксуғурта» бо 742 ҳазору 470 шахсони воқеию ҳуқуқӣ шартномаи суғуртавӣ бастааст, ки аз онҳо 54 ҳазору 994 ададаш шартномаи намудҳои ҳатмии суғурта ва 687 ҳазору 476 адад шартномаи намудҳои ихтиёрии суғурта мебошад.
Бояд зикр намуд, ки имрӯз 22 намуди суғурта мавҷуд буда, аз ин шумора 13- тояш ҳатмӣ, боқимонда ихтиёрӣ мебошанд. Суғуртаҳои ҳатмӣ дар асоси қарорҳои алоҳидаи Ҳукумати Ҷумҳурии Тоҷикистон сурат мегирад.
Ба ин намуд, суғуртаи ҳатмии давлатии шахсии хизматчиёни ҳарбӣ, ҳайати қаторӣ ва роҳбарикунандаи мақомоти корҳои дохилӣ ва амнияти миллӣ, суғуртаи ҳатмии давлатии масъулияти шаҳрвандии соҳибони воситаҳои нақлиёт, суғуртаи ҳатмии давлатии хизматчиёни давлатӣ, суғуртаи ҳатмии мусофирони воситаҳои нақлиёти автомобилӣ, обӣ, ҳавоӣ ва роҳи оҳан, суғуртаи ҳатмии иморатҳо, иншоот ва амволи корхонаҳо ва муассисаҳои давлатӣ аз сӯхтор ва ғайра дохил мешаванд.
Дар Душанбе вобаста ба инкишофи барвақтии кӯдак ҳамоиш доир шуд
Барномаи ҳамкорӣ байни Хадамоти иҷрои Тоҷикистон ва Хадамоти федералии иҷрочиёни судии Русия ба имзо расид
Муовини якуми Раиси ҲХДТ дар Форуми ҳизбҳои сиёсии Созмони ҳамкории Шанхай иштирок намуд
Ба сокинони шаҳри Ҳисор беш аз 450 ҷойи кори холӣ пешниҳод гардид
Дар Душанбе доир ба беҳтар гардонидани сифати ғизо ҳамоиш доир шуд
Дар Хатлон таҳти унвони «Чил рӯзи ҳаёти кӯдакон» силсилаҳамоишҳо доир мегарданд
Сарвазири мамлакат Қоҳир Расулзода дар ноҳияи Рашт бо рафти корҳои бартарафсозии оқибатҳои заминларза шинос шуд
Дар Душанбе бахшида ба Рӯзи пойтахт барномаи фарҳангӣ-сиёсии аъзои ҳизб доир гардид
«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
