Чаро ронандагони мошинҳои боркаш фоидаи худро аз манфиати давлату миллат боло мегузоранд?
ҲИСОР, 08.02.2019. /АМИТ «Ховар»/. Мутахассисони раёсати минтақавии Хадамоти давлатии назорат ва танзим дар соҳаи нақлиёти минтақаи Ҳисор сокини шаҳри Кӯлоби вилояти Хатлон Давлат Рӯзиевро барои риоя накардани қоидаҳои боркашонӣ дар шоҳроҳи Турсунзода -Душанбе ва Душанбе -Кӯлоб бо моддаи 311 қисми 1-и Кодекси ҳуқуқвайронкунии маъмурии Ҷумҳурии Тоҷикистон ба маблағи 2750 сомонӣ ба фоидаи давлат ҷарима намуданд.
Номбурда қоидаҳои аз роҳҳои мошингард гузаштани воситаҳои нақлиётро бо вазн ва андозаҳое, ки аз меъёрҳои муқарраршуда зиёданд, риоя накарда, ба мошини боркашонии шахсияш аз кони намаки «Хоҷамуъмин» 53 тонна намак бор менамояд. Вазни намак дар якҷоягӣ бо вазни мошини тамғаи “Дулан” 70 тоннаро ташкил медиҳад. Давлат Рӯзиев зиёда аз 160 км роҳҳои ҷумҳуриявию байналмилалиро тай намуда, дар охир дар минтақаи Ҳисор дастгир мегардад.
Тибқи қонунгузории соҳаи нақлиёт, барои нигоҳдории роҳҳои мошингарди мамлакат аз вайроншавӣ ҷиҳати ҳамлу нақли бори калонҳаҷму вазнин дар мошинҳои боркашонӣ то 40 тонна иҷозат дода шудааст. Вале қисми зиёди ронандагони мошинҳои боркаш аз меъёр зиёд маҳсулот бор менамоянд, ки ин сабаби вайрон гардидани роҳҳои ҷумҳурӣ мешавад.
Тибқи иттилои мутахассисони Хадамоти давлатии назорат ва танзим дар соҳаи нақлиёт, баъзе ронандагони мошинҳои боркашонӣ ба воситаи шиносбозию фишороварии сунъию равонӣ ба мутахассисони хадамот мехоҳанд бо борҳои вазнину хавфнок аз роҳҳои ҷумҳурӣ истифода намоянд. Барои мисол, Давлат Рӯзиев бо 70 тонна бори вазнин зиёда аз 160 км роҳро тай намуд, аммо дар ин масофа, махсусан дар вилояти Хатлон касе садди роҳаш нашуд.
Роҳҳои ҷумҳурӣ бо маблағҳои калонҳаҷм ва меҳнати сангин сохта мешаванд, лекин ронандагони мошинҳои боркаш манфиати худро аз манфиати давлату миллат боло гузошта, ба қонуншиканӣ роҳ медиҳанд.
Мутахассисони раёсати минтақавии Хадамоти давлатии назорат ва танзим дар соҳаи нақлиёти минтақаи Ҳисор соли 2018 нисбат ба 5298 нафар ронандагону соҳибкорон, ки қонунгузории соҳаи нақлиётро вайрон кардаанд, санадҳои ҳуқуқвайронкунии маъмурӣ тартиб доданд. Маблағи ҷаримаи онҳо аз ин ҳисоб 713 ҳазору 300 сомониро ташкил медиҳад.
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
