Дар озмуни байналмилалии мусиқинавозон Шаҳриёр Ҳабибов дар номгӯи асбобҳои торӣ – камонӣ ҷойи дуюмро ишғол намуд
ДУШАНБЕ, 27.02.2019. /АМИТ «Ховар» /. Аз 23 то 27 феврали соли равон дар Ҷумҳурии Қазоқистон озмуни байналмилалии мусиқинавозон таҳти унвони «Шоҳроҳи Абрешим» баргузор гардид. Озмуни мазкур аз рӯи номгӯйҳои гуногун доир шуда, дар он намояндагони 9 давлати дунё иштирок намуданд.
Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» иттилоъ доданд, дар озмуни байналмилалии мусиқинавозон Тоҷикистонро хонандаи синфи 11-и Мактаб-интернати миёнаи махсуси санъати ҷумҳуриявӣ ба номи Миратулло Атоев Шаҳриёр Ҳабибов намояндагӣ намуда, бо нишон додани маҳорати баланди касбӣ дар асбобҳои торӣ – камонӣ мақоми дуюм касб намуд.
«Шаҳриёр Ҳабибов гирандаи стипендияи Президенти Ҷумҳурии Тоҷикистон дар соли хониши 2018 – 2019 маҳсуб меёбад. Ӯ аз соли 2017 инҷониб волонтёри Кумитаи кор бо ҷавонон ва варзиш, ҳамчунин узви Маҳфили доимии «Пайравони Пешвои миллатем»- и Кумита мебошад»,- гуфт Каримҷон Салимзода.
Ёдовар мешавем, ки дар озмуни байналмилалии мусиқинавозон таҳти унвони «Шоҳроҳи Абрешим» аз рӯи номгӯи асбобҳои торӣ – камонӣ мақоми аввалро намояндаи Ҷумҳурии Ӯзбекистон ва мақоми сеюмро намояндаи Ҷумҳурии Қазоқистон соҳиб шуданд.
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
