Дар озмуни «Дастархонороӣ» ноҳияҳои Шоҳмансури шаҳри Душанбе ва Мурғоби ВМКБ сазовори ҷойҳои аввал гардиданд
ДУШАНБЕ, 26.02.2019 /АМИТ «Ховар»/. 24 феврали соли равон дар шаҳри Душанбе даври сеюм ва ҷамъбастии озмуни «Дастархонороӣ» баргузор гардид. Дар даври ниҳоӣ намояндагони 17 шаҳру ноҳияи мамлакат, ки ғолиби давраи дуюми озмун гардида буданд, ширкат намуданд. Дар ин бора аз Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон ба АМИТ «Ховар» хабар доданд.
Бино ба иттилои манбаъ, ҳайати ҳакамон дастархонҳои пешниҳодкардаи иштирокчиёнро тамошо намуда, вобаста ба ҳар як дастархон, интихоби дастархон ва мавҷудияти аломатҳои миллӣ сарфакорона оростани дастархон, зебо, хушоянд ва дилписанд будани он, истифодаи зарфҳои миллӣ ва ҷобаҷогузории дурусти онҳоро баҳогузорӣ намуданд.
Бо назардошти шартҳои пешниҳодшудаи Низомномаи озмуни «Дастархонороӣ» ноҳияҳои Шоҳмансури шаҳри Душанбе ва Мурғоби ВМКБ сазовори ҷойҳои аввал ва мукофоти пулӣ дар ҳаҷми даҳ ҳазор сомонӣ гардиданд. Ноҳияҳои Бобоҷон Ғафурови вилояти Суғд ва Шаҳринав сазовори ҷойҳои дуюм ва маблағи пулӣ ба миқдори панҷ ҳазор сомонӣ шуда, шаҳри Бохтари вилояти Хатлон, ноҳияҳои Варзоб ва Рашт сазовори ҷойҳои сеюм ва мукофоти пулӣ ба миқдори се ҳазор сомонӣ гардиданд.
Ҳамчунин ноҳияи Айнӣ барои иштироки фаъолона ба ҷойи ифтихорӣ ва мукофоти пулӣ ба миқдори ду ҳазор сомонӣ ва иштирокчии ҷавонтарин аз ноҳияи Файзобод Муҳиба Мирзоева барои иштироки фаъолона ба ҷойи ифтихорӣ ва мукофоти пулӣ ба миқдори ҳазор сомонӣ сазовор дониста шуданд.
Ёдовар мешавем, ки озмуни «Дастархонороӣ» дар асоси Амри Президенти Ҷумҳурии Тоҷикистон аз ҷониби Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон эълон гардида, даври якуму дуюми он дар шаҳру ноҳияҳои ҷумҳурӣ баргузор гардид.
Дар Душанбе вобаста ба инкишофи барвақтии кӯдак ҳамоиш доир шуд
Барномаи ҳамкорӣ байни Хадамоти иҷрои Тоҷикистон ва Хадамоти федералии иҷрочиёни судии Русия ба имзо расид
Муовини якуми Раиси ҲХДТ дар Форуми ҳизбҳои сиёсии Созмони ҳамкории Шанхай иштирок намуд
Ба сокинони шаҳри Ҳисор беш аз 450 ҷойи кори холӣ пешниҳод гардид
Дар Душанбе доир ба беҳтар гардонидани сифати ғизо ҳамоиш доир шуд
Дар Хатлон таҳти унвони «Чил рӯзи ҳаёти кӯдакон» силсилаҳамоишҳо доир мегарданд
Сарвазири мамлакат Қоҳир Расулзода дар ноҳияи Рашт бо рафти корҳои бартарафсозии оқибатҳои заминларза шинос шуд
Дар Душанбе бахшида ба Рӯзи пойтахт барномаи фарҳангӣ-сиёсии аъзои ҳизб доир гардид
«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
