Дар Раёсати ВКД дар вилояти Хатлон озмуни «Чакану атлас» баргузор гардид
ДУШАНБЕ 28.02.2019 /АМИТ «Ховар»/. Бахшида ба Рӯзи Модар миёни кормандон-бонувони мақомоти корҳои дохилии вилояти Хатлон озмуни «Чакану атлас» баргузор гардид.
Тавре аз Раёсати ВКД дар вилояти Хатлон ба АМИТ «Ховар» хабар доданд, дар озмун сардори РВКД дар вилояти Хатлон Искандар Солеҳзода иброз дошт, ки «Зан-Модар миллат ва ҷомеаро тарбия менамояд. Дар ҷамъияти имрӯза занҳо дар баробари мардон меҳнат мекунанд ва муҳофизу таъминкунандаи тартиботи ҷамъиятӣ муаррифӣ шудани занони милитсия ҳоло мояи ифтихори аҳли ҷомеа гаштааст».
Ҳадафи асосии баргузории озмун аз тарбияи бонувон дар рӯҳияи миллӣ, эҳёи анъанаҳои миллӣ, тарғиби расму оинҳо ва ҳунарҳои мардумӣ, ҳифзи арзишҳои миллӣ, арҷгузорӣ ба мероси фарҳангии халқи тоҷик, тарбияи зебоипарастӣ, фарҳанги либоспӯшӣ, одоби рӯзгордорӣ, маҳорати кадбонуӣ ва баланд бардоштани мақому манзалати зан- модар дар ҷомеа иборат буд.
Ба иттилои манбаъ, озмун аз шартҳои намоиши либосҳои миллии чакану атлас, қироати шеърхонӣ ё маҳорати суханварӣ, хондани суруд дар васфи модар ё алла ва намоиш додани ҳунарҳои мардумӣ (пешниҳоди маҳсули даст ва таомҳои миллӣ) иборат буд. Иштирокдорон бо маҳорати баланд шартҳои озмунро иҷро намуданд.
Ҳайати ҳакамон ба ҳунари занони мақомоти милитсия баҳои баланд дода, ғолибони озмунро бо ифтихорномаҳо сарфароз гардониданд.
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
