ДУРӮҒ ТОРИКИИ ИМОН АСТ. Ё чаро «Ахборком» пайваста ба осиёби душманони миллати тоҷик об мерезад?!
ДУШАНБЕ, 08.02.2019 /АМИТ «Ховар»/. Аз хабарҳои нашрнамудаи «Ахборком» (Akhbor.com) бармеояд, ки сармуҳаррири ин торнамои иғвоангез пайваста ба осиёби душманони миллати тоҷик об мерезад. Чаро? Аввалан, «Ахборком» хизматгори ташкилоти террористии наҳзат аст. Дигар ин ки Мирзо Салимпур, ҳарчанд чашмони калон дошта бошад ҳам, аммо, мутаассифона, зеҳнаш ва ақлаш кӯчак будаанд. Агар чунин набошад, пас чаро баргузории ду чорабинии бузурги илмиро дар Ҷумҳурии Туркия дида наметавонад ва ё дидан намехоҳад.
Чуноне аз пахши хабар дар расонаҳо бармеояд, ҳайати Ҷумҳурии Тоҷикистон дар ду Конфронси бузург ширкат ва суханронӣ намуданд. Нишаст (панел)-и дуюми Конфронси илмӣ-амалӣ бо ташаббуси Муфтиёти Ҷумҳурии Туркия дар толори Муфтиёт баргузор гардид. Дар он Раиси Шӯрои маҷлиси Муфтиёти Туркия Экрем Келеш ва Сардори Сарраёсати муносибатҳои байналмилалии Муфтиёти Туркия Эрдал Аталай иштирок ва баромад намуданд. Аз аксҳо, навиштаҷот ва наворҳо пурра маълум аст, ки он Конфронс бо ҳузури ҳайати муфтиёти Туркия баргузор шудааст. Барои нафаре, ки ақлу фаҳмиш дорад, пурра дарк карда метавонад, ки дар толори мақомоти расмии Туркия бар зидди амалҳои нопоки наҳзат суҳбат кардан аллакай маънии ҳамкорӣ дар ин самтро дорад. Ба ибораи дигар, М. Салимпур бояд дигар умуман хабар нашр накунад, то ки обрӯи журнализмро нарезонад, ва аз хонандагони муҳтарам узрхоҳӣ намояд. Зеро дурӯғгӯӣ торикии имон аст.
Дигар ин ки ҳоло мо бояд бинем, ки Раиси Шӯро дар он толор дар бораи кадом ташкилоти террористӣ сухан гуфтааст. Агар воқеан ҳам дар он толор суҳбат дар бораи амалҳои нопоки ташкилоти наҳзат бошад, пас бояд наҳзатиёни иғвоангез боз дучори шармандагӣ шудаанд. Агар воқеан ҳам аъзои наҳзат аз ҷониби Туркия пуштибонӣ меёфтанд, пас чаро наҳзатиҳо аз қаламрави Туркия ронда шудаанд. Ҳатто дигар аъзои наҳзат имкони тариқи транзит гузаштанро надоранд.
Салимпур ба иғвои наҳзат дода шуда, худашро беобрӯ намуд, зеро ҳоло сафари С.Абдулқодирзода ба итмом нарасидааст, дигар ин ки агар дар ин конфронсҳои баргузоргардида (Панели 1 ва Панели 2) навор мавҷуд бошад, пас вой ба ҳоли «Ахборком» ва сармуҳаррири номуҳтарами он торнамо.
Рӯзҳои наздик маълум хоҳад гашт, ки кӣ дурӯғгӯй аст.
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
«ПЕШВОИ МИЛЛАТ – ТАШАББУСКОР ВА ТАҲКИМБАХШИ СУЛҲУ ВАҲДАТИ ҶАҲОНӢ». Дар Душанбе конференсияи ҷумҳуриявӣ баргузор шуд
ОГОҲӢ! Аз 19 то 22 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
ҚОНУНИ АВФ. Давлат ба ҳазорон шаҳрванд имконият медиҳад ба назди оилаҳои худ баргашта, ҳуқуқи худро ба зиндагии арзанда амалӣ созанд
Дар Душанбе оид ба тамоюлҳои рушди маориф дар давлатҳои ИДМ конфронси байналмилалӣ баргузор шуд
Дар ноҳияи Фирдавсӣ барои фаъолони ҳизб машғулияти омӯзишӣ доир гардид
Дар доираи лоиҳаи идоракунии раванди обшавии пиряхҳо ба Агентии обуҳавошиносӣ таҷҳизоти муосир дастрас карда шуд
