Фаъолияти тамоми соҳаҳои ҷумҳурӣ аз Паёми Президенти мамлакат ба Парлумон сарчашма мегирад-бардошт аз мулоқот дар Бадахшон
ДУШАНБЕ, 28.02.2019/АМИТ «Ховар»/. Масъалаҳои мубрами фаъолияти мақомоти гумрук зимни вохӯрӣ бо соҳибкорон ва иштирокчиёни фаъолияти иқтисоди хориҷӣ, ки дар Раёсати минтақавии гумрукӣ дар Вилояти Мухтори Кӯҳистони Бадахшон /ВМКБ/ бо ҳузури сардорони раёсатҳои мақомоти ҳифзи ҳуқуқ ва тартиботи ҷумҳурӣ дар Бадахшон доир гардид, баррасӣ шуд.
«Чунин вохӯриҳо ба такмили усул ва шаклҳои назорати гумрукӣ шароит фароҳам оварда, ҳадафашон ҷилавгирию аз байн бурдани ҳолатҳои коррупсионӣ ва қонуншиканӣ, риояи тартиботи ҷамъиятӣ, шаффофият ва волоияти қонун дар Бадахшон мебошад»,- гуфт сардори Раёсати Хадамоти гумрук дар ВМКБ Сафарбек Ризвонзода.
Мавсуф афзуд, ки Раёсати гумрук дар ВМКБ дар ҳамкорӣ бо мақомоти иҷроияи ҳокимияти давлатии вилояти Бадахшон барои иҷрои нақшаи кори Шӯрои вилоятии мутобиқсозию методӣ оид ба тарбияи ҳуқуқии шаҳрвандон дар назди раиси вилоят ва реҷаи гузаронидани «Рӯзи ягонаи ҳуқуқӣ» дар қаламрави Бадахшон фаъолона иштирок менамояд.
Дар вохӯрӣ зикр шуд, ки соли равон фаъолияти тамоми соҳаҳои ҷумҳурӣ аз Паёми Президенти мамлакат ба Парлумон сарчашма мегирад, зеро дар он паҳлуҳо ва самтҳои асосии рушди иқтисодиёти кишвар, аз ҷумла татбиқи ҳадафҳои стратегии мамлакат арзёбӣ гардидаанд. Дар ин росто Сафарбек Ризвонзода афзуд, ки гумрукчиёни Раёсати минтақавии гумрукӣ дар Бадахшон Паёми Президенти мамлакат ба Парлумони кишварро сармашқи фаъолияти худ қарор додаанд.
Мавриди зикр аст, ки ҳайати шахсии Раёсати минтақавии гумрукӣ дар Бадахшон дар ҳамкорӣ бо дигар ниҳодҳои марбута дар байни аҳолии шаҳру ноҳияҳои вилоят оид ба фаҳмонидани моҳияти Паёми Президенти мамлакат ба Парлумон, бурдани корҳои тарғиботию ташвиқотӣ ҷиҳати ҷилавгирӣ аз шомилшавии ҷавонон ба ҳизбу ҳаракатҳои ифротӣ тавассути ниҳодҳои идеологӣ, таблиғи ватандӯстӣ ва садоқат ба ватану миллатро пеш мебаранд.
Инчунин бо истифода аз имконоти мавҷуда саъй менамоянд, ки барои шукуфоии сарзамин ва таъмини амнияти иқтисодӣ масъулият ва рисолати худро сарбаландона иҷро намоянд.
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
