КӮДАКОНРО БЕНАЗОРАТ НАГУЗОРЕД! Фоҷиа дар ноҳияи Айнӣ
ДУШАНБЕ, 25.02.2019 /АМИТ «Ховар»/. Чор нафар навраси ноболиғ 23 феврали соли 2019 дар ноҳияи Айнии вилояти Суғд бинобар риоя накардани қоидаҳои бехатарӣ дар рӯи иншооти обӣ ба бозии хоккей машғул гардида, зери яхи обанбори сунъӣ ғарқ шудаанд. Дар ин бора ба АМИТ «Ховар» аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон иттилоъ дода шуд.
«Наврасон зимни бозӣ дар рӯи яхи тунуки обанбор, ки дарозиаш қариб 70 метр ва чуқуриаш 6 метрро ташкил медод, зери ях фурӯ рафта, дар натиҷа ҳалок гардидаанд»,- иттилоъ медиҳад сарчашма.
Ҳангоме ки наҷотдиҳандагон ба ҷои ҳодиса ҳозир шуданд, ҷасади яке аз наврасон аз ҷониби сокинони маҳаллӣ аллакай аз об бароварда шуда буд. Новобаста аз он ки корҳо шабона бурда мешуданд, наҷотдиҳандагон тавонистанд ҷасади наврасони боқимондаро бароварда, ба хешовандонашон супоранд.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз волидон қатъиян талаб мекунад, ки кӯдаконро бе назорат нагузоранд ва чораҳои бехатариро риоя намоянд.
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
