Моҳи август дар Самарқанд фестивали «Таронаҳои Шарқ» («Шарқ тароналарӣ») баргузор мегардад
ДУШАНБЕ, 27.02.2019. /АМИТ «Ховар»/. Аз 26 то 30 августи соли 2019 дар шаҳри Самарқанд Фестивали 12-уми байналмилалии мусиқии «Шарқ тароналарӣ» («Таронаҳои Шарқ») баргузор мегардад.
Дар ин бора дар қарор «Дар бораи тадбирҳои омодагӣ ба баргузории фестивали байналмилалии мусиқии «Шарқ тароналарӣ», ки 26 феврал аз ҷониби Президенти Ҷумҳурии Ӯзбекистон Шавкат Мирзиёев ба имзо расид, гуфта мешавад.
Тавре АМИТ «Ховар» хабар медиҳад, матни қарор 26 феврал дар сомонаи Агентии миллии иттилоотии Ӯзбекистон «УзА» интишор гардидааст.
Олимон-мусиқишиносон, ҳунармандону коршиносони маъруф, ва меҳмони олиқадр, аз ҷумла аз кишварҳои хориҷӣ дар ин фестивал иштирок менамоянд.
Дар доираи фестивал баргузории «мизҳои гирд», муаррифиҳо ва курсҳои махсуси мутахассисони хориҷӣ дар назар аст.
Инчунин дар доираи фестивали мазкур конфронси байналмилалии илмӣ-амалии «Дурнамои рушди санъати мусиқии халқҳои Шарқ» баргузор мегардад.
То 1 июни соли 2019 Академияи санъати Ӯзбекистон ва Ассосиатсияи эҷодии ҷумҳуриявии «Тасвирий Ойина» лоиҳаҳои рамзи фестивал ва ҳайкалчаҳоро барои сарфарозгардонии ғолибон таҳия хоҳанд кард.
Ёдовар мешавем, ки Фестивали 11-уми байналмилалии мусиқии «Шарқ тароналарӣ», ки тобистони соли 2017 баргузор гардида буд, ба сокинон ва меҳмонони Самарқанд аз шиносоӣ бо анъанаву таронаҳои кишварҳои Шарқ эҳсоси фаромӯшнашаванда ҳадя намуд. Фестивал 250 нафар ҳунармандро аз 59 кишвари ҷаҳон дар майдони Регистон ҷамъ оварда буд.
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
