Ҷоми ФФТ: «Истиқлол» ду ғалабаи пайдарпай ба даст овард

ДУШАНБЕ, 18.02.2019. /АМИТ «Ховар»/. Дастаи «Истиқлол»-и Душанбе рӯзҳои истироҳат ду бозии мавқуфгузоштаи худро барои Ҷоми Федератсияи футболи Тоҷикистон бо дастаҳои КМВА «Помир» ва  «Шоҳмансур» гузаронида, ғалаба ба даст овард.

Тавре сомонаи расмии клуб хабар медиҳад, баъди бозгашт аз вохӯрии муқаддамотии интихобии Лигаи чемпионҳои Осиё бо АГМК-и Ӯзбекистон  «Истиқлол» ширкати худро дар мусобиқаи анъанавии Ҷоми ФФТ идома медиҳад.

Дар вохӯрии аввал истиқлолиҳо ба дарвозаи КМВА «Помир» панҷ голи беҷавоб заданд. Ду тӯбро Комрон Турсунов ба нишон расонид.

Дар вохӯрии дуюм ба Алишер Ҷалилов муяссар гардид, ки ба дарвозаи дастаи «Шоҳмансур» 2 тӯб занад.

Ҷоми ФФТ

Бозии даври 1-ум

КМВА «Помир» — «Истиқлол» — 0:5

Голҳо: Комрон Турсунов, 2 (0:1). Алексей Ларин, 6 (0:2). Комрон Турсунов, 23 (0:3). Муҳаммадҷон Раҳимов, 70 (0:4). Эҳсони Панҷшанбе, 82 (0:5).

Даври 2-юм

 «Истиқлол» — «Шоҳмансур» — 5:2

Голҳо: Муҳаммадҷон Раҳимов, 10 (1:0), Шаҳром Самиев, 27 (2:0), Фирдавс Қурбонов, 30 (2:1), Алишер Ҷалилов, 55, аз пеналти (3:1). Алишер Ҷалилов, 75 (4:1). Умед Бадалов, 77 (4:2). Муҳаммад Ҳакимзода,  аз пеналти 88 (5:2).

Бозиҳои боқимонда:

Даври  3-юм

19 феврал (сешанбе)

Оғоз соати 14:00

«Регар-ТадАЗ» – «Истиқлол»

 Даври 4-ум

20 феврал (чоршанбе)

Оғоз соати 14:00

«Истиқлол» – «Кӯктош»

Даври 5-ум

22 феврал (ҷумъа)

Оғоз соати 14:00

«Душанбе-83» – «Истиқлол»

 Даври 6-ум

23 феврал (шанбе)

Оғоз соати 14:00

«Истиқлол» – «Ваҳдат»