Пагоҳ нишасти матбуотии Кумитаи забон ва истилоҳот, Кумитаи кор бо занон ва оила, ШСХК «Барқи Тоҷик», Агентии хизмати давлатӣ баргузор мешавад

ДУШАНБЕ, 12.02.2019 /АМИТ «Ховар»/. 13 феврал Кумитаи забон ва истилоҳоти назди Ҳукумати Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон, Ширкати саҳомии холдингии кушодаи «Барқи Тоҷик», Агентии хизмати давлатии назди Президенти Ҷумҳурии Тоҷикистон оид ба ҷамъбасти соли 2018 нишасти матбуотӣ баргузор менамоянд.

Кумитаи кор бо занон ва оила соати 09:00 ва Кумитаи забон ва истилоҳот соати 11:00 дар толори Маркази матбуоти ҷумҳуриявии «Ховар»  бо иштироки рӯзноманигорон нишасти матбуотӣ меороянд.

Роҳбарияти ШСКХ «Барқи Тоҷик» соати  11:00 дар толори ширкат ва Агентии хизмати давлатӣ соати 14:00 дар Маркази матбуоти ҷумҳуриявии «Ховар»  ба саволҳои намояндагони воситаҳои ахбори омма посух медиҳанд.

Хотиррасон мекунем, ки тибқи нақшаи Дастгоҳи иҷроияи Президенти Ҷумҳурии Тоҷикистон, масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуоти ҷумҳуриявӣ  (хиёбони Рӯдакӣ, 40, ошёнаи 2, телефонҳои 221-34-24, 223-10-98, 888-08-34-04) гузаронидани онҳо мувофиқа мекунанд.

Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  бо забонҳои тоҷикӣ ва русӣ нашр карда мешаванд.