Пагоҳ роҳбарияти Вазорати фарҳанг, Вазорати тандурустӣ ва ҳифзи иҷтимоии аҳолӣ, Кумитаи рушди сайёҳӣ, Маркази тадқиқоти стратегӣ оид ба ҷамъбасти соли 2018 ҳисобот медиҳанд

ДУШАНБЕ, 07.02.2019 /АМИТ «Ховар»/. 8 феврал Вазорати фарҳанги Ҷумҳурии Тоҷикистон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон,  Кумитаи рушди сайёҳии назди Ҳукумати Ҷумҳурии Тоҷикистон,  Маркази тадқиқоти стратегии назди Президенти Ҷумҳурии Тоҷикистон оид ба ҷамъбасти соли 2018  нишасти матбуотӣ баргузор менамоянд.

Вазорати фарҳанг соати 09:00 дар Маркази матбуоти ҷумҳуриявии «Ховар» ва  Вазорати тандурустӣ ва ҳифзи иҷтимоии аҳолӣ соати 11:00 дар маҷлисгоҳи Сарраёсати назорати давлатии санитарии эпидемиологӣ нишасти матбуотӣ мегузаронанд.

Нишасти матбуотии Маркази тадқиқоти стратегӣ соати 11:00 ва нишасти Кумитаи рушди сайёҳӣ соати 14:00 дар толори Маркази матбуоти ҷумҳуриявии «Ховар» баргузор мешаванд.

Хотиррасон мекунем, ки тибқи нақшаи Дастгоҳи иҷроияи Президенти Ҷумҳурии Тоҷикистон, масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуоти ҷумҳуриявӣ  (хиёбони Рӯдакӣ, 40, ошёнаи 2, телефонҳои 221-34-24, 223-10-98, 888-08-34-04) гузаронидани онҳо мувофиқа мекунанд.

Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  бо забонҳои тоҷикӣ ва русӣ нашр карда мешаванд.