Прокуратураи Суғд 646 нафарро барои вайрон намудани талаботи қонуни масъулияти падару модар ба ҷавобгарии маъмурӣ кашид

Февраль 16, 2019 09:16

ХУҶАНД, 16.02.2019. /АМИТ «Ховар»/. Прокуратураи вилояти Суғд соли 2018 дар доираи иҷрои қонунгузорӣ дар бораи масъулияти падару модар дар таълиму тарбияи фарзанд барои вайрон кардани талаботи қонуни мазкур бо моддаи 90-и Кодекси ҳуқуқвайронкунии маъмурӣ 646 нафарро ба ҷавобгарии маъмурӣ кашид.  Ин нукта  15 феврал зимни баргузории нишасти матбуотӣ  аз ҷониби прокурори вилояти Суғд Ҳабибуло Воҳидов зикр гардид. 

Ба иттилои хабарнигори АМИТ «Ховар», инчунин дар давраи ҳисоботӣ аз ҷониби прокуратураи вилоят дар самти назорати иҷрои қонунгузории замин 302 парвандаи ҷиноятӣ оғоз гардида, 4043,2 га қитъаи замини худсарона ишғолгардида ба ҳолати аввала баргардонида шуд. Нисбат ба 262 адад қарори раисони шаҳру ноҳияҳои вилоят, ки аз он 227 ададаш  вобаста ба ҷудо кардани қитъаи замин мебошад, эътироз оварда шудааст.

Инчунин дар раванди санҷиши қонунгузорӣ оид ба бехатарӣ ва ҳифзи меҳнат дар корхонаю муассисаҳо  қонунвайронкуниҳо низ ошкор гардиданд. Дар натиҷа 263 нафар ба ҷавобгарии мухталиф кашида шуда,  дар асоси амрҳои прокурорӣ 54,8 млн. сомонӣ музди меҳнат пардохт гардид. 18 парвандаи ҷиноятӣ бо моддаҳои 153 ва 154 –и Кодекси ҷиноятӣ оғоз карда шудаанд.

Соли гузашта ба мақомоти прокуратураи вилоят 11238 муроҷиати шаҳрвандон ворид гардида, аз он 3645 ададаш баррасӣ ва 577 ададаш қонеъ гардид.

Ҳамзамон прокурори Суғд вобаста  ба вазъи ҷинояткорӣ зикр кард, ки  соли 2018 дар миқёси вилоят 6083 ҷиноят ба қайд гирифта шудааст, ки нисбат ба соли 2017 371 адад зиёд аст. Ҳамзамон кушодании ҷиноятҳо дар ин давра 91,01 фоизро ташкил додааст.

Февраль 16, 2019 09:16

Хабарҳои дигари ин бахш

Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст
МегаФон Тоҷикистон бурди миллион сомонӣ ва туҳфаҳои дигари олиҷанобро доир менамояд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Дар Бохтар ба кӯдакони ятим ва ниёзманд либосҳои мактабию лавозимоти хониш тақдим гардид
Дар палатаи поёнии Парлумони Тоҷикистон бо ҳайати Ҷумҳурии Мардумии Чин мулоқот доир шуд
Дар Тоҷикистон беш аз 1,9 миллион либоси мактабӣ истеҳсол карда шудааст
ОМОДАГӢ БА СОЛИ НАВИ ТАҲСИЛ. Дар Гулистон давраи мутобиқшавии хонандагони синфи якум идома дорад
Имрӯз дар водиҳои Тоҷикистон ҳаво то 39 дараҷа гарм мешавад
Дар Ҳисор ба кӯдакону наврасони ятим либоси мактабӣ ва ашёи хониш тақдим гардид
Имрӯз дар шаҳри Душанбе ҳаво то 37 дараҷа гарм мешавад