Вакилони Парлумон Қонун «Дар бораи берун баровардан ва ворид намудани сарватҳои таърихию фарҳангӣ»-ро баррасӣ намуданд
ДУШАНБЕ, 18.02.2019. /АМИТ «Ховар»/. Вакилони Маҷлиси намояндагони Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Дар бораи берун баровардан ва ворид намудани сарватҳои таърихию фарҳангӣ» ва Қонуни ҶТ «Оид ба ворид намудани тағйиру иловаҳо ба Қонуни ҶТ «Дар бораи хоҷагидорӣ ва истеҳсолоти биологӣ»-ро мавриди баррасӣ қарор доданд.
Тавре котиби матбуоти Палатаи поёнии Парлумони мамлакат Муҳаммадато Султонов ба мухбири АМИТ «Ховар» иттилоъ дод, масъалаи мазкур имрӯз зимни ҷаласаи Шӯрои Маҷлиси намояндагон таҳти раёсати Раиси Маҷлиси намояндагон Шукурҷон Зуҳуров баррасӣ карда шуд.
Зикр гардид, ки Қонуни ҶТ «Дар бораи берун баровардан ва ворид намудани сарватҳои таърихию фарҳангӣ» бо тартиби ҳуқуқи ташаббуси қонунгузорӣ аз ҷониби вакилони Маҷлиси намояндагон пешниҳод ва бо дарназардошти эродҳои Маҷлиси миллии Маҷлиси Олии Ҷумҳурии Тоҷикистон такмил дода шуд.
Зимнан, Қонуни мазкур асосҳои ҳуқуқии ҳифз ва нигоҳдории мероси таърихию фарҳангиро муайян намуда, тартиби аз Ҷумҳурии Тоҷикистон берун баровардан ва ба Ҷумҳурии Тоҷикистон ворид кардани сарватҳои таърихию фарҳангиро муқаррар менамояд.
Ба иттилои манбаъ, бо сабаби такрори матн қисмҳои баъзе моддаҳо таҳрир ва қисми дигари он ба талаботи қоидаҳои имлои забони тоҷикӣ мутобиқ гардонида шуданд.
«Қисми 4 моддаи 9 ба талаботи моддаҳои 232, 250 ва 259 Кодекси граждании Ҷумҳурии Тоҷикистон мутобиқ гардонида шуд. Бо мақсади пурра ифода намудани мафҳумҳои «рӯйхат ва феҳристи объектҳои ҳифзшавандаи давлатӣ» ба моддаҳои 4, 7 ва 9 Қонуни мазкур тағйирот ворид карда шуда, сархатҳо ва қисмҳои моддаҳои мазкур дар таҳрири нав ифода гардиданд»,-илова намуд Муҳаммадато Султонов.
Вакилони мардумӣ Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни ҶТ «Дар бораи хоҷагидорӣ ва истеҳсолоти биологӣ»-ро низ баррасӣ намуданд.
Мавриди зикр аст, ки аъзои Шӯро аз рӯи ҳамаи масъалаҳои баррасишуда қарори дахлдор қабул намуданд.
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
Дар Душанбе доир ба асосҳои қонунгузории гузариш ба рушди «сабз» ҳамоиш баргузор гардид
Вакили Маҷлиси намояндагон дар Саммити минтақавии парлумонии кишварҳои Аврупои Шарқӣ ва Осиёи Марказӣ иштирок намуд
Ҷаласаи якуми иҷлосияи дуюми Маҷлиси намояндагон баргузор гардид
